BURADA REKLAMINIZ OLA
BİLƏR

BURADA REKLAMINIZ OLA
BİLƏR

Deputat: “Hindistanın hazırkı xarici siyasi xəttində olan dəyişiklik münasibətlərdə durğunluq yaradır”

“Bu gün Azərbaycan dünyanın bir çox ölkəsi ilə qarşılıqlı iqtisadi əlaqələrə malikdir. Hindistan da bu dövlətlərdən biridir. Təkcə 2018-ci ilin statistikasına nəzər salsaq, deyə bilərəm ki, 170 Hindistan kapitalı Bakıda fəaliyyət göstərirdi. Şimal-Cənub beynəlxalq nəqliyyat dəhlizi Hindistan üçün də əhəmiyyətlidir. Yarımada ölkəsi Azərbaycan ilə əməkdaşlıqda və əlaqələrin genişləndirilməsində hər zaman maraqlı tərəflərdən olub. Hindistanın hazırkı xarici siyasi xəttində olan dəyişiklik, təbii ki, münasibətlərdə müəyyən durğunluğun yaranmasına gətirib çıxarır. Bununla bağlı Hindistanın ölkədəki səfiri də Xarici İşlər Nazirliyinə dəvət olunmuşdu. Lakin görünür ki, bu tədbirlər öz nəticəsini verməyib”.

 

Bu sözləri Pravda.az-a açıqlamasında Azərbaycan-Hindistan parlamentlərarası əlaqələr üzrə işçi qrupunun üzvü Müşfiq Cəfərov deyib.

 

Deputat bildirib ki, Hindistan-Ermənistan yaxınlaşması çox güman Pakistanın Azərbaycanla olan yaxın münasibətlərindən təzahür edir:

 

“Hazırda Hindistan Ermənistanla çoxlu sayda raket, reaktiv mərmi və sursatların ixracına dair müqavilə imzalayıb. Bu, açıq-aşkardır ki, Ermənistan həmin silahları Azərbaycana qarşı terrorçu məqsədlərlə istifadə edəcək. Bütün bunları nəzərə alıb deyə bilərik ki, Hindistan terrorçuları və terror dövlətini dəstəkləyir. Halbuki Hindistan Qoşulmama Hərəkatı çərçivəsində Azərbaycanın mövqeyini dəstəklədiyini ifadə etmişdi. Xarici siyasi kursun belə dəyişməsini yenicə imzalanmış silah-sursat satışı müqaviləsi ilə bağlaya bilərik”.

 

Aytəkin Qardaşova

Tarix: 1 Oktyabr 2022, 17:43   
-->
Xəbər lenti
Çox oxunanlar

Ən son xəbərləri səhifəmizdən də izləyin