BURADA REKLAMINIZ OLA
BİLƏR

BURADA REKLAMINIZ OLA
BİLƏR

SOCAR-ın idarə rəisinin adı hallanan cinayət işi ilə bağlı QƏRAR

Bakı Apellyasiya Məhkəməsində xüsusilə külli miqdarda dələduzluqda ittiham edilən Nicat Qarayevin barəsindəki hökmdən verilən apellyasiya şikayətinə baxılıb.

 

Pravda.az-ın əldə etdiyi məlumata görə, hakim Kamran Əkbərovun sədrlik etdiyi prosesdə qərar elan olunub.

 

Qərara əsasən, birinci instansiya məhkəməsinin qərarı dəyişdirilmədən, apellyasiya şikayəti isə təmin edilmədən saxlanılıb.

 

Bakı Ağır Cinayətlər Məhkəməsinin hökmü ilə Nicat Qarayev törətdiyi əmələ görə 12 il azadlıqdan məhrum edilib.

 

İttihamda yazılıb ki, Nicat Qarayev 05.06.2017-ci il tarixdən 24.06.2019-cu il tarixədək “Azfen” Birgə Müəssisəsinin “Azf-099” layihəsinin texniki ofis mühəndisi vəzifəsində işləyib.

 

O, bu müddət ərzində “Scanex Enterprises Limited” xarici şirkətinin Azərbaycanda fəaliyyət göstərən filialı vasitəsilə “Azfen” BM üçün işlər gördüyünü və xidmətlər göstərdiyini, həmin işlərə yatırılmış vəsaitdən 45 gündən sonra 20% gəlir əldə edildiyini, sərmayə yatırdığı halda işin yekununda 7% gəlir ödəniləcəyini vəd edərək ayrı-ayrı şəxslərdən külli miqdarda pul alıb.

 

Belə ki, Nicat Qarayev ayrı-ayrı şəxslərdən aldığı pulların qarşılığında onlara müəyyən qədər gəlir verib. Bununla da onların etibarını qazanıb. Lakin sonradan aldığı pulları qaytarmayaraq, dələduzluq edib.

 

İttihamda göstərilib ki, o, Eyvazov Raman Əlikram oğluna qarşı 478 283 manat, Eyvazov Əlikram Mirzəxan oğluna 122 317, Qasımov Arif Məhərrəm oğluna 363 700 manat, Çıraqov İlqar Okean oğluna 125 520 manat, Nəsirov Ramil Eldəniz oğluna 200 000 manat, Musayev Sərxan Mətləb oğluna 1 929 500 manatlıq dələduzluq edib. Bu iş üzrə daha bir neçə zərərçəkmiş var.

 

Törətdiyi əmələ görə Nicat Qarayevə qarşı Cinayət Məcəlləsinin 178.4-cü (xüsusilə külli miqdarda dələduzluq) maddəsi ilə ittiham irəli sürülüb. Elan olunmuş ittihamla Nicat Qarayev özünü qismən təqsirli bilib. Deyib ki, zərərçəkmişlərin özlərini tanımır və bəzi zərərçəkmişlərin dediyi məbləğlər şişirdilib.

 

Xatırlatma: Nicat Qarayev SOCAR-ın Sərmayələr İdarəsinin rəisi Vaqif Əliyevin qohumu - baldızı oğludur.

 

Kamal Məmmədov

Tarix: 18 Noyabr 2022, 08:54   
-->
Xəbər lenti
Çox oxunanlar

Ən son xəbərləri səhifəmizdən də izləyin