BURADA REKLAMINIZ OLA
BİLƏR

BURADA REKLAMINIZ OLA
BİLƏR

Siqaret istəmək adı ilə quldurluq edən şəxslər barəsində QƏRAR

Ali Məhkəmədə quldurluq etməkdə ittiham olunan Kamran Pirquliyev, Qasım Əliyev və Qərib Abdalovun barəsindəki hökmdən verilən kassasiya şikayətinə baxılıb.

 

Pravda.az-ın əldə etdiyi məlumata görə, hakim İlkin Rəcəbovun sədrlik etdiyi prosesdə qərar elan olunub.

 

Qərara əsasən, birinci instansiya məhkəməsinin qərarı dəyişdirilmədən, kassasiya şikayəti isə təmin edilmədən saxlanılıb.

 

Bakı Ağır Cinayətlər Məhkəməsinin hökmü ilə Kamran Pirquliyev 10 il, Qasım Əliyev  və Qərib Abdalov hər biri  9 il müddətinə azadlıqdan məhrum ediliblər.

 

Rəsmi məlumata görə, Nəsimi rayonu Moskva prospekti 82 ünvanında Bakı şəhər sakini Elnur Niftullayevə qarşı quldurluq edilib.

 

Hadisə zamanı naməlum şəxslər zərərçəkənə əvvəlcə siqaret istəmək adı ilə yaxınlaşıblar. Daha sonra onu yaşayış binalarının arasına aparıb, boğmağa cəhd edərək, quldurluq yolu ilə zərərçəkəninin 500 manat dəyərindəki “Samsung” markalı mobil telefonunu və içərisində 100 manat olan pul kisəsini ələ keçiriblər.

 

Hadisəni törətməkdə şübhəli bilinən əvvəllər dəfələrlə məhkum olunmuş şəxslər- Kamran Pirquliyev, Qasım Əliyev və Qərib Abdalov saxlanılıblar.

 

Qeyd: Aralarındakı rol bölgüsünə əsasən, hadisə zamanı əvvəlcə Qasım Əliyev zərərçəkənə yaxınlaşaraq, ondan siqaret istəyib. Daha sonra Kamran Pirquliyev və Qərib Abdalov həmin şəxsə arxadan yaxınlaşaraq onun boğazından tutub, zorakılıq hərəkətləri edərək ona müxtəlif bədən xəsarətləri yetirməklə, zərərçəkənin üzərində olan qiymətli əşyaları və pulu tələb ediblər.

 

Kamal Məmmədov

Tarix: 18 Noyabr 2022, 11:41   
-->
Xəbər lenti
Çox oxunanlar

Ən son xəbərləri səhifəmizdən də izləyin