BURADA REKLAMINIZ OLA
BİLƏR

BURADA REKLAMINIZ OLA
BİLƏR

Deputat: “Azərbaycan İsraildə səfirlik açmaqla qarşısına İranla olan münasibətlərə mənfi və ya müsbət təsir etmək məqsədi qoymayıb”

“Dünyadakı proseslər bir daha göstərdi ki, Azərbaycan dövlətinin xarici siyasəti var və bu siyasəti özü istədiyi kimi tənzimləyir. Cənab Prezident İlham Əliyevin xarici siyasətdə həyata keçirdiyi bu istiqamət ən mühüm məsələdir. Bir müddət əvvəl İsraildə Azərbaycan səfirliyinin açılmamasının texniki məsələlərlə bağlı olduğunu deyəndə, düşünürdülər ki, məsələ hansısa dövlətin xoşuna gəlməz. Necə ola bilər, İran Qafanda Konsulluq açır, “Ermənistan bizim tərəfdaşımızdır” deyir... Guya biz İsraildə səfirlik açmamaqla hansısa dövlətdən çəkinirdik. Bu gün Milli Məclisin plenar iclasında bir sıra dövlətlərdə, eyni zamanda İsraildə səfirliyin, paralel olaraq Fələstində Təmsilçilik Ofisinin təsis edilməsi müzakirə olundu. Layihələr səsvermə ilə yekdilliklə qəbul edildi. Çox böyük məsələdir”.

 

Bunu Pravda.az-a açıqlamasında Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Arzu Nağıyev deyib.

 

A.Nağıyev qeyd edib ki, bu, cənab Prezidentin həyata keçirdiyi uğurlu xarici siyasətin nəticəsidir: “Azərbaycan səfirliyi xarici diplomatiya, eyni zamanda diaspor səviyyəsində fəaliyyət göstərəcək. Həm Fələstin, həm də İsraillə mühüm əlaqələrimiz var. Azərbaycanın İsraillə, o cümlədən Fələstinlə qarşılıqlı əlaqələrində heç bir problem yoxdur. İsrail dövlət olaraq hərbi, siyasi, iqtisadi, eyni zamanda mədəni-mənəvi cəhətdən strateji əhəmiyyət kəsb edən tərəfdaşımızdır. Bu istiqamətdə daha ciddi addımlar atılır. Zaman-zaman bunun nəticəsinin şahidi olacağıq. Azərbaycan İsraildə səfirlik açmaqla qarşısına İranla olan münasibətlərə mənfi və ya müsbət təsir etmək məqsədi qoymayıb. Məsələ budur ki, eyni vaxtda həm İsraildə, Fələstində, ərəb dünyasında səfirliyimizi təsis edirik. Burda hər hansı dindən, məzhəbdən deyil, dövlət və dövlətçilikdən söhbət gedir”.

 

Aytəkin Qardaşova

Tarix: 18 Noyabr 2022, 15:04   
-->
Xəbər lenti
Çox oxunanlar

Ən son xəbərləri səhifəmizdən də izləyin