BURADA REKLAMINIZ OLA
BİLƏR

BURADA REKLAMINIZ OLA
BİLƏR

"Fiziki-məhdudiyyətli şəxslərin idmanla cəmiyyətə inteqrasiyası" adlı layihə başa çatdı

Noyabrın 28-də Arabaçı Əlillər Şəbəkəsi İctimai Birliyi tərəfindən Qeyri-Hökumət Təşkilatlarına Dövlət Dəstəyi Agentliyinin dəstəyi ilə həyata keçirilən "Fiziki-məhdudiyyətli şəxslərin idmanla cəmiyyətə inteqrasiyası" adlı layihənin IV və sonuncu tədbiri baş tutub.

 

Pravda.az xəbər verir ki, tədbiri Arabaçı Əlillər Şəbəkəsi İctimai Birliyinin sədri Ruhin Cəfərov çıxış edərək layihə haqqında ətraflı məlumatları iştirakçıların diqqətinə yetirib.

 

Sonra isə Azərbaycan Boccia Federasiyasının vitse-prezidenti İlham Məhərrəmov, Milli Məclisin deputatı Vüqar İskəndərov, Bakı şəhər Gənclər və İdman İdarəsinin rəisi Raqif Abbasov, Xeyriyyəçi Vətən sevimlisi Hacı Nuran, 1 saylı Sağlamlıq İmkanları Məhdud Gənclərin Peşə-Reabilitasiya Mərkəzinin direktoru Rəhilə Həsrətova, paralimpiya idman növləri üzrə baş məşqçilər və digər dəyərli qonaqlar çıxış edərək mövzunun nə qədər əhəmiyyət kəsb etdiyindən və aktuallığından bəhs ediblər.

 

Layihə üzrə həyata keçirilən ümumilikdə 4 tədbirin nəticələrinə əsasən Vətən müharibəsi qaziləri, fiziki-məhdudiyyətli şəxslər paralimpiya idman növlərinə cəlb olunurlar.

 

Tədbirin sonunda motivasiya məqsədi ilə iştirakçılar sertifikatlarla təltif olunublar və xatirə şəkli çəkdiriblər.

Fotoları təqdim edirik
Tarix: 29 Noyabr 2022, 17:09   
-->
Xəbər lenti
Çox oxunanlar

Ən son xəbərləri səhifəmizdən də izləyin