BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Təhsil Nazirliyində tanışım var” deyərək dələduzluq edən şəxsə elektron qolbaq taxıldı

Abşeron Rayon Məhkəməsində dələduzluq təqsirləndirilən Zaur Əmənovun (şərti) cinayət işi üzrə məhkəmə istintaqı başa çatıb.

 

Pravda.az-ın etdiyi məlumata görə, hakim Vaqif Həsənovun sədrliyi ilə keçirilən prosesdə hökm oxunub.

 

Məhkəmənin hökmü ilə o, 3 il müddətinə azadlığın məhdudlaşdırılması (elektron qolbaq) cəzasına məhkum edilib.

 

İttihama görə, 1976-cı il təvəllüdlü Zaur Əmənov zərərçəkmiş Cəlal Quliyevin (şərti) etibarından sui-istifadə edərək onun qızının 2021-ci il tarixdə 2021/2022-ci tədris ili üçün Bakalavriat səviyyəsi üzrə keçirilmiş test imtahanlarından 462.70 ümumi nəticə balı toplaması ilə bağlı Bakı Dövlət Üniversitetinin “Dövlət və ictimai münasibətlər” fakültəsinə qəbul etdirəcəyinə yalandan vəd verib. O, zərərçəkmişi aldadıb bu məqsədlə 19 avqust 2021-ci il tarixdə saat 20 radələrində yaşadığı Abşeron rayonu, Mehdiabad qəsəbəsində 7500 manat pulu dələduzluq yolu ilə ələ keçirib.

 

Məhkəmə iclasında Zaur Əmənov dindirilən zaman ona elan edilmiş ittiham üzrə özünü təqsirli bilib. O, zərərçəkmiş şəxsə vurduğu ziyanı tam ödəyib, törətdiyi əməldən peşmançılıq çəkdiyini söyləyib.

 

Cəlal Quliyev məhkəmədə deyib ki, təqsirləndirilən şəxs telefonda ona Təhsil Nazirliyində tanışı olmasını və yüzlərlə belə tələbələrə köməklik göstədiyini qeyd edib.

 

Kamal Məmmədov

Tarix: 30 Noyabr 2022, 09:03   
-->
Xəbər lenti
Çox oxunanlar

Ən son xəbərləri səhifəmizdən də izləyin