BURADA REKLAMINIZ OLA
BİLƏR

BURADA REKLAMINIZ OLA
BİLƏR

Deputat: ““Neft gəlirləri ədalətli şəkildə bölünmür” ifadəsini işlədənlər siyasi sabitliyini istəməyənlərdir”

“Neft gəlirləri Azərbaycanın Dövlət Neft Fonduna yığılır və şəffaf şəkildə bölüşdürülür”.

 

Bu sözləri Pravda.az-a Milli Məclisin deputatı Azər Badamov neft gəlirlərinin ədalətli şəkildə bölüşüdürülməməsi barədə iddialara münasibət bildirərkən deyib.

 

Deputat vurğulayıb ki, beynəlxalq maliyyə qurumlarının hesabatlarında Azərbaycanın Dövlət Neft Fondu dünyanın suverən fondları arasında şəffaflığına görə 5-ci yerdə sıralanır: “Son 19 ildə ölkədə çəkilən yollar, tikilən məktəblər, xəstəxanalar, idman komplekləri, rayon və kəndlərin yenidən qurulması, infastrukturun yenilənməsi, xidmətlərin müasirləşdirilməsi neft gəlirləri hesabına icra olunub və hər bir vətəndaşın rifahının yaxşılaşmasına xidmət edir. Hər il əməkhaqları, pensiyalar və müavinətlər artırılmaqla vətəndaşların sosial rifahı yaxşılaşdırılır. Dövlət büdcəsinin əhəmiyyətli hissəsi Dövlət Neft Fondundan daxilolmalar hesabına icra edilir. Orudmuzun maddi-texniki bazasının müasirləşdirilməsi, güclənməsi və torpaqlarımızı 44 gündə düşmən tapdağından azad edə bilməyimiz neft gəlirləri hesabına yaranmış iqtisadi müstəqilliyimizdən irəli gəlir. Bu gün işğaldan azad edilmiş 10 min kvadrat kilometrdən çox ərazidə yenidənqurma, bərpa işlərinin aparılması, Böyük Qaydışın həyata keçirilməsi heç bir xarici maliyyə mənbəsindən dəstək almadan yalnız dövlətimizin neft gəlirləri ilə güclənmiş öz iqtisadi qüvvəsi hesabına həyata keçirilir. “Neft gəlirləri ədalətli şəkildə bölünmür və vətəndaşların layiqli həyat tərzini təmin etmir” ifadəsini işlədənlər, hesab edirəm ki, Azərbaycanın siyasi sabitliyini, güclənməsini və inkişafını istəməyənlərdir”.

 

Aytəkin Qardaşova

Tarix: 30 Noyabr 2022, 12:22   
-->
Xəbər lenti
Çox oxunanlar

Ən son xəbərləri səhifəmizdən də izləyin