BURADA REKLAMINIZ OLA
BİLƏR

BURADA REKLAMINIZ OLA
BİLƏR

Söyüşə görə qonşusunu qətlə yetirən şəxsə hökm oxundu

Gəncə Ağır Cinayətlər Məhkəməsində Bərdə rayonunda qəsdən adam öldürməkdə təqsirləndirilən təqsirləndirilən Rəşad Musayevin cinayət işi üzrə məhkəmə istintaqı başa çatıb.

 

Pravda.az-ın əldə etdiyi məlumata görə, hakim Elmin Rüstəmovun sədrliyi ilə keçirilən prosesdə hökm oxunub.

 

Məhkəmənin hökmü ilə o, 10 il müddətinə azadlıqdan məhrumetmə cəzası təyin edilib. Rəşad Musayevin cəzasını ciddi rejimli cəzaçəkmə müəssisəsində çəkəcək.

 

Qeyd: Bu il iyunun 28-i saat 01 radələrində Bərdə rayonu, Əmirli kəndində Toğrul Abdullayev qayçı ilə vurularaq öldürülüb.

 

Zərərçəkmişin həmkəndlisi Rəşad Musayev şəxsi münasibətlər zəminində aralarında yaranmış mübahisə zamanı məişət təyinatlı qayçı ilə Toğrul Abdullayevin sol döş qəfəsi nahiyəsinə bir ədəd xəsarət yetirib. Nəticədə o, almış olduğu xəsarətdən xəstəxanada ölüb.

 

Faktla bağlı Bərdə rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

 

Rəşad Musayev şübhəli şəxs qismində tutularaq istintaqa cəlb edilib.

 

İttihama görə, hadisədən bir qədər əvvəl Toğrul Abdullayev avtomobilli yüksək surətlə hərəkət edib. Rəşadın atası isə zərərçəkmişə iradını bildirib. Buna görə Toğrul kəndin mərkəzində yerləşən çayxanın qarşı tərəfində Rəşadın atasının ünvanına nalayiq ifadələr işlədib. Təqsirləndirilən şəxs isə əsəbləşərək Toğrul Abdullayevlə çayxananın arxa tərəfindən mübahisə edib, zərərçəkmiş özündə olan qayçı ilə onu vurmaq istəyib. Rəşad qayçını onun əlindən alaraq cibinə qoyub oradan uzaqlaşaraq yaşadığı evə qayıdıb.

 

Həmin gün saat 20 radələrində Toğrul Abdullayevin təkidi ilə kənd ərazisində görüşüb. Bu zaman Toğrul onun ailə üzvlərini təhqir edib. Daha sonra Rəşad onu qayçı ilə qətlə yetirib.

 

Kamal Məmmədov

Tarix: 1 Dekabr 2022, 08:08   
-->
Xəbər lenti
Çox oxunanlar

Ən son xəbərləri səhifəmizdən də izləyin