BURADA REKLAMINIZ OLA
BİLƏR

BURADA REKLAMINIZ OLA
BİLƏR

Əlisa Nicat qadınlarla bağlı dediyinə aydınlıq gətirdi: “Elə deməmişəm, qadın olmasaydı, bəşəriyyət də olmazdı”

“Mən “qadın ancaq doğulub və doğmaq üçün yaranıb, qadınların uşaq doğmaqdan başqa heç bir funksiyası yoxdur” deməmişəm. “Ancaq” ifadəsi artıqdır. Bu, səhvdir, təhrif olunub. Demişəm ki, təbiət ən böyük missiyanı qadınların öhdəsinə qoyub. Çünki qadın olmasaydı, bəşəriyyət də olmazdı. Bəşəriyyətin varlığına səbəb qadınlardır. Xanımların xətrinə dəyən bir söz demişəmsə, aradan götürmək istəyərəm. Hazırda Allahın insanları necə yaratdığı barədə bir əsər yazıram. Axı nəsil artırmaq böyük missiyadır, bundan böyük missiya yoxdur...”

 

Bu sözləri Pravda.az-a müsahibəsində yazıçı Əlisa Nicat deyib.

 

O, dünyanın, o cümlədən Azərbaycanın tarixində iz qoymuş qadınlar barədə də fikir bildirib: “Bəs necə... İki dəfə Nobel mükafatı alan Mariya Küri... Heç kim hələ iki dəfə Nobel almayıb. İlk türk qadın sərkərdəsi Tomris,  Azərbaycanın ilk diplomat qadını Sara Xatun... O qədər nəhəng qadın şəxsiyyətlərimiz olub ki. Amma qadınların hamısı buna fikir vermir, bu yolla getmirlər. Çoxu özünü ailəsinə həsr edib. Məsələn, nisbilik nəzəriyyəsini ilk dəfə Albert Enşteynin xanımı tapıb. O, dahi riyaziyyatçı olub. Amma o, ərini sevir, deyir ki, nəzəriyyəni sənə verirəm, amma pulunu mənə verərsən. Albert Enşteyn razılaşır və Nobel mükafatını alıb, arvadına verib. Bəşəriyyətin ən böyük kəşflərindən birini də qadın kəşf edib...”

 

Ə.Nicat ona Prezident təqaüdü veriləcəyi barədə Azərbaycan Yazıçılar Birliyinin yaydığı açıqlamaya da münasibət bildirib: “Son iki günün ən məşhur adamıyam. Prezident təqaüdü alacağım barədə mənə nəsə  deyilməyib. Amma eşitdim ki, belə bir məlumat yayıblar. Görək... Bəli, Əlisa Nicat məddahlıq etməyib, qarşısında kim olursa-olsun, heç vaxt həqiqətə qarşı çıxmayıb. Lap doğma atam olsa belə. Özümə qarşı da beləyəm. Səhvlərimi hamı bilir. Öz səhvlərimdən o qədər danışıram ki. Nə qədər böyük səhvlər buraxmışıq. Müraciət etməmişəm, etmərəm. Nə işim, xoşum gəlmir də. Ömrümdə bir dəfə təqaüdlə bağlı Prezidentə məktub yazmışam. Heç vaxt yardıma görə ömrüm boyu heç kimə müraciət etməmişəm...”

 

Aytəkin Qardaşova

 

 

Tarix: 2 Dekabr 2022, 15:39   
-->
Xəbər lenti
Çox oxunanlar

Ən son xəbərləri səhifəmizdən də izləyin