BURADA REKLAMINIZ OLA
BİLƏR

BURADA REKLAMINIZ OLA
BİLƏR

Nadir Şəfiyevin AzTV-nin sabiq əməkdaşını şantaj edən oğlu kassasiya şikayəti verdi

Azərbaycan Dövlət Televiziyasının (AzTV) keçmiş xanım jurnalistini görüntüləri ilə şantaj etməkdə təqsirləndirilən “CBC sport” kanalının sabiq operatoru Yusif Şəfiyev barəsindəki hökmdən kassasiya şikayəti verib.

 

Pravda.az-ın əldə etdiyi məlumata görə, Ali Məhkəməyə müraciət edən məhkum barəsində bəraət hökmünün çıxarılmasını istəyir.

 

Şikayət hakim Nazim Mövsümovun sədrliyi ilə araşdırılacaq.

 

Məhkəmənin baxış iclası dekabrın 6-na təyin edilib.

 

Bakı Ağır Cinayətlər Məhkəməsinin hökmü ilə Yusif Səfiyev 7 il 6 ay müddətinə azadlıqdan məhrum edilib. Hökmdən məhkum apellyasiya şikayəti verib. Bakı Apellyasiya Məhkəməsi isə hökmü dəyişməyib. Daha sonra Yusif Səfiyev kassasiya şikayəti ilə Ali Məhkəməyə müraciət edib.

 

Cinayət işi materiallarında qeyd olunub ki, kişi qadına məxsus olan “Mitsubishi Eclipse” markalı avtomobili şantaj edərək ondan istəyib. O, qadının barəsində rüsvayedici məlumatları sosial şəbəkələrdə və mətbuatda yayacağı ilə hədələyib. Təqsirləndirilən şəxs bu taktika ilə ondan müxtəlif vaxtlarda ümumilikdə 6726 manat pul alıb.

 

Aynurun şikayəti əsasında Yusif Şəfiyev həbs edilib.

 

Məhkəmədə ifadə verən Yusif Şəfiyev özünü təqsirli bilməyib. O, məhkəmədə deyib ki, heç zaman Aynurdan pul tələb etməyib.

 

Xatırlatma: Yusif Şəfiyev ARB 24 telekanalının sabiq rəhbəri Nadir Şəfiyevin oğludur. Nadir Şəfiyev AzTV, İTV, Türkel TV və ARB 24 televiziyalarında müxtəlif vəzifələr tutub. 2018-ci ilin sentyabr ayında ARB 24 telekanalının rəhbəri vəzifəsindən çıxarılıb.

 

Daha sonra İsmayıllı rayon Basqal bələdiyyəsinin sədri işləyən Nadir Şəfiyev bu hadisədən sonra ərizə yazaraq vəzifəsinin icrasını dayandırıb.

 

Kamal Məmmədov

Tarix: 3 Dekabr 2022, 08:12   
-->
Xəbər lenti
Çox oxunanlar

Ən son xəbərləri səhifəmizdən də izləyin