BURADA REKLAMINIZ OLA
BİLƏR

BURADA REKLAMINIZ OLA
BİLƏR

Səməd Seyidov AŞPA-nın Büro iclasında iştirak edəcək

Milli Məclisin Beynəlxalq münasibətlər və parlamentlərarası əlaqələr komitəsinin sədri, Azərbaycanın Avropa Şurası Parlament Assambleyasındakı (AŞPA) nümayəndə heyətinin rəhbəri nümayəndə heyətinin rəhbəri Səməd Seyidov bu təşkilatın Büro iclasında iştirak etmək üçün dekabrın 8-də Parisə səfər edəcək.

 

Milli Məclisin Mətbuat və ictimaiyyətlə əlaqələr şöbəsindən Pravda.az-a verilən xəbərə görə, iclasda Avropa məkanında 2023-cü ildə keçiriləcək seçkilərin müşahidəsi, gələn maliyyə ili üçün Parlament Assambleyasının xərcləri, 2023-cü ildə parlamentlərarası əməkdaşlıq üçün fəaliyyət planı və bir sıra təşkilati məsələlərə baxılacaqdır.

 

Dekabrın 13-dən 15-dək isə Parisdə AŞPA-nın Siyasi məsələlər və demokratiya, həmçinin Monitorinq komitələrinin iclasları keçiriləcək.

 

İclaslarda Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-dakı nümayəndə heyətinin rəhbəri Səməd Seyidov və nümayəndə heyətinin üzvü deputat Asim Mollazadə iştirak edəcəklər.

 

Siyasi məsələlər və demokratiya komitəsində insanların silahlı münaqişələrdən əziyyət çəkməsinin qarşısının alınmasında Avropa Şurasının rolu, təşkilatın iqtisadi əməkdaşlıq və inkişaf sahəsində fəaliyyəti, Şərqi Aralıq dənizində sülhün və sabitliyin qorunması, demokratiya naminə tərəfdaşlıq və digər məsələlər müzakirə olunacaq.

 

Monitorinq komitəsində isə Assambleyanın monitorinq prosedurunun təkmilləşdirilməsi, Türkiyə, Moldova, Bosniya və Herseqovina, Macarıstan, Serbiya, və Gürcüstan tərəfindən öhdəliklərin yerinə yetirilməsi, Bolqarıstan və Monteneqro ilə post monitorinq dialoqu, San Marino və Fransanın üzvlük öhdəlikləri və digər mövzularda fikir mübadiləsi aparılacaq.

 

İclaslarda deputatlarımız müzakirə ediləcək məsələlərlə bağlı çıxış edəcək, öz münasibətlərini bildirəcəklər.

Tarix: 7 Dekabr 2022, 17:16   
-->
Xəbər lenti
Çox oxunanlar

Ən son xəbərləri səhifəmizdən də izləyin