BURADA REKLAMINIZ OLA
BİLƏR

BURADA REKLAMINIZ OLA
BİLƏR

Piyadanı vuraraq öldürüb hadisə yerindən qaçan sürücüyə hökm oxundu

Göyçay Rayon Məhkəməsində piyadanı avtomobillə vuraraq öldürüb hadisə yerindən qaçmaqda təqsirləndirilən Tərlan Nuriyevin cinayət işi üzrə məhkəmə istintaqı başa çatıb.

 

Pravda.az-ın etdiyi məlumata görə, hakim  İbrahim Fəttahovun sədrliyi ilə keçirilən prosesdə hökm oxunub.

 

Məhkəmənin hökmü ilə o, 4 il müddətə azadlıqdan məhrumetmə cəzası təyin olunub. Bu hökmdən dövlət ittihamçısı apellyasiya protesti verib. Şəki Apellyasiya Məhkəmənin qərarına əsasən, prokurorun apellyasiya protesti qismən təmin edilib. Birinci instansiya məhkəməsinin hökmü ləğv olub. Təqsirləndirilən şəxs 3 il müddətinə azadlıqdan məhrumetmə cəzasına məhkum edilsin. O, cəzasını məntəqə tipli cəza çəkmə müəssisəsində çəkəcək.

 

 

Qeyd: Hadisə 08 yanvar 2022-ci il tarixdə saat 09 radələrində Göyçay şəhərinin Ü.Hacıbəyov küçəsində qeydə alınıb.

 

Rayon sakini Tərlan Nuriyev “Ford” markalı minik avtomobili ilə hərəkətdə olarkən yolu keçən piyadanı, 1957-ci il təvəllüdlü Qasımov Zabit Məmmədhüseyn oğlunu vurub. Xəsarət alan şəxs Göyçay Rayon Mərkəzi Xəstəxanasına aparılıb. Həkimlərin səyinə baxmayaraq, Zabit Qasımov xəstəxanada dünyasını dəyişib.

 

Hadisə yerindən qaçan avtomobilin sürücüsü polis əməkdaşları tərəfindən saxlanılıb.

 

Kamal Məmmədov

Tarix: 9 Dekabr 2022, 11:38   
-->
Xəbər lenti
Çox oxunanlar

Ən son xəbərləri səhifəmizdən də izləyin