BURADA REKLAMINIZ OLA
BİLƏR

BURADA REKLAMINIZ OLA
BİLƏR

Məhkəmə Tovuzda həmyerlisini bıçaqlayan şəxslə bağlı qərar verdi

Ali Məhkəmədə Tovuzda həmyerlisini öldürməyə cəhd etməkdə təqsirləndirilən Oqtay Abdiyevin barəsindəki hökmdən verilən kassasiya şikayətinə baxılıb.

 

Pravda.az-ın əldə etdiyi məlumata görə, hakim Əziz Seyidovun sədrlik etdiyi prosesdə qərar elan olunub.

 

Qərara əsasən, iş yenidən baxılması üçün apellyasiya instansiyası məhkəməsinə göndərilib.

 

İttiham aktına əsasən, 1971-ci il təvəllüdlü O.Abdiyev 20 aprel 2019-cu il tarixdə saat 18 radələrində Tovuz rayonunun Yanıqlı kəndindəki toy məclisində yeyib içib. Sərxoş vəziyyətdə piyada yaşadığı evə qayıdarkən yolda onunla rastlaşan həmkəndlisi Seymur Tağıyevin onun yerişini yamsılamasından əsəbləşib.

 

Daha sonra O.Abdiyev S.Tağıyevi söyərək evə gedib. S.Tağıyev isə arxasınca gələrək ona və ailə üzvlərinə fiziki zor tətbiq edib.

 

Bundan hiddətlənən O.Abdiyev mətbəxtdən bıçaq götürüb və Ş.Tağıyevin arxasınca gedib. O.Abdiyev S.Tağıyevi yaşadığı evin həyətinin darvazası qarşısında yaxalaya bilib.

 

Bu zaman onun əlində bıçaqla gəldiyini görən Seymur Tağıyevin atası Cəlal Tağıyev onu sakitləşdirmək isyəyib. O.Abdiyev özündə olan bıçaqla C.Tağıyevə bir neçə zərbə vurub. Yaralıya xəstəxanada vaxtında tibbi yardım göstərildiyi üçün həyatını xilas etmək mümkün olub.

 

O.Abdiyev təqsirləndirilən şəxs qismində istintaqa cəlb edilib və barəsində məhkəmənin qərarı ilə həbs qətimkan tədbiri seçilib.

 

Gəncə Ağır Cinayətlər Məhkəməsinin hökmü ilə o, 14 il müddətinə azadlıqdan məhrum edilib. Hökmdən narazı qalan məhkum apellyasiya şikayəti verib. Gəncə Apellyasiya Məhkəməsinin hakimi Elçin Xasməmmədovun sədrliyi ilə keçirilən prosesdə elan edilib.

Qərara əsasən, təqsirləndirilən şəxsin apellyasiya şikayəti qismən təmin olunub, birinci intansiya məhkəməsinin çıxardığı hökm dəyişdirilib.

 

Belə ki, O.Abdiyev Cinayət Məclləsinin (CM) 29,120.2.3-cü (Qəsdən adam öldürməyə cəhd, zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özünü və ya yaxın qohumlarını öldürməyə cəhd), 29,120.2.4-cü (Qəsdən adam öldürməyə cəhd, xüsusi amansızlıqla və ya ümumi təhlükəli üsulla adam öldürmə cəhd) maddələrindən CM-nin 126.2.2-ci (Qəsdən sağlamlığa ağır zərər vurma, zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özü və ya yaxın qohumları barəsində törədildikdə) və 126.2.3-cü (Qəsdən sağlamlığa ağır zərər vurma, xüsusi amansızlıqla, o cümlədən zərərçəkmiş şəxsə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxsə qarşı törədildikdə) maddələrinə tövsif olunub. Onun 14 il müddətinə azadlıqdan məhrumetmə cəzası 9 ilə endirilib.

 

Kamal Məmmədov

Tarix: 9 Dekabr 2022, 11:41   
-->
Xəbər lenti
Çox oxunanlar

Ən son xəbərləri səhifəmizdən də izləyin