BURADA REKLAMINIZ OLA
BİLƏR

BURADA REKLAMINIZ OLA
BİLƏR

Tanışını taxta parçası ilə döyən şəxs məhkəmə zalından azadlığa buraxıldı

Abşeron Rayon Məhkəməsində xuliqanlıqda təqsirləndirilən T.Təhməzovun cinayət işi üzrə məhkəmə istintaqı başa çatıb.

 

Pravda.az-ın etdiyi məlumata görə, hakim Sevinc Quliyevanın sədrliyi ilə keçirilən prosesdə hökm oxunub. 

 

Məhkəmənin hökmü onun əməli Cinayət Məcəlləsinin (CM) 221.3-cü (Xuliqanlıq) maddəsindən CM-in 128-ci (Qəsdən sağlamlığa yüngül zərər vurma) maddəsinə tövsif edilib və o, həmin maddə ilə təqsirli bilinib. T.Təhməzov 3 ay müddətinə azadlıqdan məhrumetmə cəzasına məhkum olunub. Təqsirləndirilən şəxsin həbsdə olduğu 3 ay müddət onun cəzasına hesablanmaqla cəzasını çəkib qurtarmış hesab edilib. Onun barəsində seçilmiş həbs qətimkan tədbiri ləğv edilib və məhkəmə zalında həbsdən azad olunub. T.Təhməzovun barəsində başqa yerə getməmək haqqında iltizam qətimkan tədbiri seçilib.  Barəsində seçilmiş başqa yerə getməmək haqqında iltizam qətimkan tədbiri hökm qanuni qüvvəyə minənədək dəyişdirilməsin.

 

İttihama görə, hadisə 6 fevral 2022-ci il tarixdə saat 21 radələrində Abşeron rayonu, Masazır qəsəbəsində qeydə alınıb.

 

Belə ki, T.Təhməzov mübahisə zəminində taxta parçası ilə tanışı Y.Əsədovun qəsdən baş və sifət nahiyələrinə vurub.

 

İstintaq orqanı tərəfindən onun barəsində CM-in xuliqanlıq maddəsi ilə cinayət işi başlanılıb.

 

Kamal Məmmədov

Tarix: 9 Dekabr 2022, 12:09   
-->
Xəbər lenti
Çox oxunanlar

Ən son xəbərləri səhifəmizdən də izləyin