BURADA REKLAMINIZ OLA
BİLƏR

BURADA REKLAMINIZ OLA
BİLƏR

Uqanda Xarici İşlər Nazirliyinin yüksək səviyyəli rəsmilərindən ibarət nümayəndə heyəti Bakıda səfərdə olub

Uqandanın BMT yanında daimi nümayəndəsi və Uqanda Xarici İşlər Nazirliyinin yüksək səviyyəli rəsmilərindən ibarət nümayəndə heyəti Azərbaycanın Qoşulmama Hərəkatına sədrlik təcrübəsini öyrənmək məqsədilə Bakıda səfərdə olub.

 

Bu barədə Azərbaycan XİN-dən məlumat verilib.

 

Səfər çərçivəsində baş tutan görüşlərdə 2023-cü ilin dekabr ayında Uqandanın Kampala şəhərində keçirilməsi nəzərdə tutulan Qoşulmama Hərəkatının 19-cu Zirvə Görüşünə hazırlıq məsələləri və Hərəkata sədrliyin səmərəli təşkili ilə bağlı Azərbaycanın müsbət təcrübəsi müzakirə edilib.

 

Uqanda nümayəndə heyəti həmçinin Milli Məclis Aparatının rəhbərliyi tərəfindən qəbul edilərək Qoşulmama Hərəkatının Parlamentlər Şəbəkəsinin fəaliyyəti barədə məlumat verilib.

 

Daha sonra qonaqlar Qoşulmama Hərəkatının Gənclər Təşkilatının rəhbərliyi və qurumun Azərbaycan bölməsinin nümayəndələri ilə görüş keçirərək QH-nin gələcək fəaliyyətində gənclərin rolu mövzusunda fikir mübadiləsi aparıb.

Tarix: 9 Dekabr 2022, 13:37   
-->
Xəbər lenti
Çox oxunanlar

Ən son xəbərləri səhifəmizdən də izləyin