BURADA REKLAMINIZ OLA
BİLƏR

BURADA REKLAMINIZ OLA
BİLƏR

Deputat: Azərbaycan üçün indiki Davos Formu əvvəlki illərlə müqayisədə daha önəmli və əhəmiyyətlidir

“İki il fasilədən sonra Davosda yenidən Dünya İqtisadiyyat Formu keçirildi. Dünya iqtisadiyyatının bir parçası olan Azərbaycan da bu forumda iştirak edib, yeni investisiyalar üçün öz iqtisadi və əlverişli şəraitini təqdim etdi. Pandemiya və Rusiya-Ukrayna müharibəsinin fəsadlarının iqtisadiyyata vurduğu zərbələrdən sonra dünya ölkələri yeni iqtisadi bazarlar və mühitlər axtarışındadır. Xüsusilə, artıq yeni dövrün yeni tələblərinə uyğun sahələrin də müzakirəsi olduqca vacibdir. Çünki son iki ildə sürətli dəyişikliklər oldu. Cənab Prezidentin  də bu Forumda iştirakı ölkəyə əlavə kapital axınının gəlməsi və yeni tərəfdaşlar qazanmaq baxımdan uğurlu bir tribunadır”.

 

Bunu Pravda.az-a Milli Məclisin deputatı Müşfiq Cəfərov deyib.

 

Deputat bildirib ki, Azərbaycan üçün indiki Davos Formu əvvəlki illərlə müqayisədə daha önəmli və əhəmiyyətlidir: “Çünki Azərbaycan qeyri-neft sektoruna və logistikaya böyük investisiya cəlb edən bir ölkədir. Bu gün həmçinin dünyanın ən çox müzakirə mövzusu olan enerji təhlükəsizliyi məsələsi də dövlətimiz üçün əlverişli, strateji tərəfdaşlıq mənbəyidir. Beynəlxalq əməkdaşlıq məsələlərinin müzakirələri üçün çox yaxşı bir vasitə olan Davos Forumunda təbii ki, ölkələr öz xidmətlərini, imkanlarını ortaya qoyurlar. Cənab Prezident də Azərbaycanın sahib olduğu geniş imkanları və xüsusilə yeni reallıqların fonunda yaranan biznes və kommunikasiya mühitini dünya şirkətləri və ölkələrinə təqdim etdi. Təbii ki, dünyanın nəhəng şirkətlərinin toplandığı bir forma güclü, yeni imkanlarla çıxmaq lazım idi. Dövlətimiz hazırda yeni bərpa olunan enerji sahəsindəki imkanlarını Davosda təqdim etdi. Düşünürəm ki, beynəlxalq iqtisadiyyatın maraq dairəsi olan təhlükəsiz enerji məsələsində Azərbaycana yeni tərəfdaşlıqlarla bağlı müraciətlər olacaq. Yeni yaranan imkanlar dövlətimizin bir çox sahələrdə nüfuzunu artıracaqdır”.

Tarix: 24 Yanvar 2023, 19:22   
-->
Xəbər lenti
Çox oxunanlar

Ən son xəbərləri səhifəmizdən də izləyin