BURADA REKLAMINIZ OLA
BİLƏR

BURADA REKLAMINIZ OLA
BİLƏR

Avropa Məhkəməsi Azərbaycandan göndərilmiş 3 ərizə üzrə yekun qərarlarını elan etdi

Avropa İnsan Hüquqları Məhkəməsi bu gün, fevralın 2-də Azərbaycandan göndərilmiş 3 ərizə üzrə yekun qərarlarını elan edib.


Pravda.az-ın xəbərinə görə, bu barədə tanınmış vəkil Fariz Namazlı bildirib.


O qeyd edib ki, Sərdar Əlibəyli Azərbaycana qarşı iş jurnalist olan ərizəçinin böhtan məzmunlu hesab edilən məqalələrinə görə, cinayət məsuliyyətinə cəlb edilməsi ilə bağlı idi:


"Məhkəmə hesab edib ki, ərizəçiyə yazılarına görə, cinayət cəzasının verilməsi onun ifadə azadlığı hüququna müdaxilə təşkil edib. Məhkəmənin qərarına əsasən, hökumət ərizəçiyə mənəvi zərərə görə, 2500, xərc və məsrəflərə görə 1500 avro təzminat ödəməlidir.


Akşin Qarayev Azərbaycana qarşı iş “Maksima” şirkətinə məxsus əmlakın, xüsusilə də mənimsəmə ittihamı üzrə açılmış cinayət işində sübut kimi tanınan 28 qaz turbininin 1997-ci ildən bəri rəsmi qurumların qərarları ilə götürülməsi-saxlanılması ilə bağlı idi. Məhkəmə bu işdə ərizəçiyə münasibətdə mülkiyyət hüququnun pozulduğuna qərar verib. Qərara əsasən, dövlət ləngimədən mübahisə edilən 28 qaz turbininin saz vəziyyətdə ərizəçiyə geri qaytarılmasını təmin etməlidir. Bundan başqa ərizəçiyə mənəvi zərər və xərc, məsrəf əvəzi 4 min avro təzminat ödənilməlidir".


"X.Ağaliyev Azərbaycana qarş işdə ərizəçi məlumat və ifadə azadlığı ilə bağlı müxtəlif layihələri həyata keçirən QHT olan Media Hüququ İnstitutunun hüquqşünası olub. Ərizəçi 2010-cu ildə dövlət büdcəsindən maliyyələşən, səhmləri dövlətə məxsus olan Azərbaycan Televiziya və Radio Verilişləri Qapalı Səhmdar Cəmiyyətinə (AzTV) informasiya sorğusu göndərərək ictimai məlumatların ona təqdim edilməsini xahiş etmişdi. Sorğuya cavab almayan ərizəçi Səbail Rayon Məhkəməsinə şikayət verib, xahiş edib ki, axtardığı informasiyaların ona təqdim edilməsini nəzərdə tutan qərar qəbul etsin. Məhkəmələr onun iddiasını təmin etməyib. Məhkəmə bu ərizəni qəbuledilməz hesab edib", - vəkil vurğulayıb.

 

Kamal Məmmədov 

Tarix: 2 Fevral 2023, 19:17   
-->
Xəbər lenti
Çox oxunanlar

Ən son xəbərləri səhifəmizdən də izləyin