BURADA REKLAMINIZ OLA
BİLƏR

Bacısını xüsusi amansızlıqla öldürən şəxs yenidən məhkəmə qarşısında

Abşeron rayonunda bacısını qətlə yetirməkdə təqsirləndirilən Nicat Əsədovun cinayət işi üzrə ibtidai istintaqı yenidən başa çatıb.

 

Pravda.az-ın əldə etdiyi məlumata görə, toplanan iş baxılması üçün Sumqayıt Ağır Cinayətlər Məhkəməsinə göndərilib.

 

Cinayət işi hakim Nahid Hüseynovun sədrliyi ilə araşdırılacaq.

 

Məhkəmənin ilkin hazırlıq iclasının vaxtı hələlik açıqlanmayıb.

 

Qeyd: Ötən il sentyabrın 25-i saat 04 radələrində Abşeron rayon sakini, 1994-cü il təvəllüdlü Xalidə Əsədovanın almış olduğu xəsarətlərdən ölməsi barədə rayon prokurorluğuna məlumat daxil olub.

 

Aparılan araşdırmalarla zərərçəkmişin qardaşı, 1998-ci il təvəllüdlü Nicat Əsədovun yaşadıqları evdə şəxsi münasibətlər zəminində aralarında yaranan mübahisə zamanı bıçaqla Xalidə Əsədovaya çoxsaylı xəsarətlər yetirməsinə, sonuncunun almış olduğu xəsarətlərdən xəstəxanada ölməsinə əsaslı şübhələr müəyyən edilib.

 

Onun barəsində Cinayət Məcəlləsinin 120.2.4-cü (Qəsdən adam öldürmə, xüsusi amansızlıqla və ya ümumi təhlükəli üsulla adam öldürmə) maddəsi ilə ittiham irəli sürülüb.

 

Nicat Əsədov şübhəli şəxs qismində tutularaq istintaqa cəlb edilib.

 

Xatırlatma: Daha əvvəl onun cinayət işi üzrə ibtidai istintaqı yekunlaşıb məhkəməyə göndərilmişdi. Araşdırma zamanı iş yenidən istintaq orqanına qaytarıldı.

 

Kamal Məmmədov

Tarix: 3 Fevral 2023, 09:17   
Xəbər lenti
Çox oxunanlar

Ən son xəbərləri səhifəmizdən də izləyin