Piyada zolağında piyadanı vuran şəxsin hökmü dəyişdi

Ali Məhkəmədə avtomobillə piyadanı vurmaqda təqsirləndirilən Nizami Məmmədovun (şərti) barəsindəki hökmdən verilən kassasiya şikayətinə baxılıb.

Pravda.az-ın əldə etdiyi məlumata görə, hakim Tahir Kazımovun sədrliyi ilə keçirilən prosesdə qərar elan olunub.

Qərara əsasən,kassasiya şikayəti qismən təmin edilib. Məhkum barəsində Bakı Apellyasiya Məhkəməsinin 26 may 2022-ci il tarixli qərarı təqsirləndirilən şəxs və onun müdafiəçisi tərəfindən birgə verilmiş kassasiya şikayətinə münasibətdə zərərçəkmiş Z.A. (şərti) (mülki iddiaçı) tərəfindən verilmiş mülki iddianın mənəvi ziyanın tutulması hissəsində qismən təmin olunub.

Belə ki, Nizami Məmmədovdan mənəvi ziyana görə 3000 manat məbləğində pul tutularaq zərərçəkmiş şəx (mülki iddiaçı) ödənilməsi hissəsində ləğv edilib. Mülki iddiaçı Z.A. tərəfindən verilmiş mülki iddia mənəvi ziyanın tutulması hissəsində baxılmamış saxlanıb və zərərçəkmiş şəxsə mülki mühakimə icraatı qaydasında mülki iddia vermək hüquqları izah edilib. Qərar qalan hissədə dəyişdirilmədən saxlanılıb.

İttihama görə, Nizami Məmmədov 11 fevral 2020-ci il tarixdə saat 11 radələrində özünə məxsus "KİA Sportage" markalı avtomobillə Sabunçu rayonu, Bakıxanov qəsəbəsində, S.Mehmandarov küçəsi ilə Sabunçu Rayon İcra Hakimiyyətinin inzibati binası istiqamətində hərəkətdə olarkən yolun Ə.Kərim küçəsi ilə kəsişməsində geriyə dönmə manevri edərkən piyada keçidində hərəkətdə olan zərərçəkmiş Z.A.-nı vurub. Nəticədə piyada xəsarət alıb.

Sabunçu Rayon Məhkəməsinin hökmü ilə onun qazancının 20 faizi miqdarında dövlət nəfinə pul tutulmaqla Nizami Məmmədov 2 il müddətinə islah işləri cəzasına məhkum edilib,mülki iddia qismən təmin olunub. Məhkum zərərçəkmişin öz vəsaiti hesabına müalicə almasına sərf olunmuş məbləğ olmaqla, cəmi 1400 manat miqdarında pul və 30 (otuz) manat ödənilmiş dövlət rüsumu zərərçəkmiş şəxs verilməsi hökm çıxarılıb.

Hökmdən narazı qalan Nizami Məmmədov və zərərçəkmiş apellyasiya şikayəti verib.

Z.A. tərəfindən verilmiş apellyasiya şikayəti qismən təmin edilib. Məhkum Sabunçu Rayon Məhkəməsinin 11 mart 2021-ci il tarixli hökmü sonuncuya münasibətdə təyin edilmiş cəza və mülki iddianın mənəvi ziyanın təmin edilməməsi hissəsində dəyişdirilib. Nizami Məmmədov həmin hökmə əsasən, Azərbaycan Respublikası Cinayət Məcəlləsinin 263.1-ci maddəsi ilə təyin edilmiş qazancının 20 faizi miqdarında dövlət nəfinə pul tutulmaqla 2 il müddətinə islah işləri cəzası 1 il 6 ay müddətinə azadlığın məhdudlaşdırılması (elektron qolbaq) cəzası ilə əvəz edilib.

Bundan başqa, zərərçəkmiş şəxs tərəfindən verilmiş mülki iddianın mənəvi ziyanla bağlı hissədə qismən təmin edilib. Nizami Məmmədovdan mənəvi ziyana görə 1000 manat məbləğində pulun tutularaq Z.A-ya ödənilib.

Kamal Məmmədov

Tarix: 23 Fevral 2023, 08:31

Xəbər lenti