““Kolleksioner” Bəxtiyarı azad et” şüarı “üzr istəyirəm”lə əvəz edildi

Həbsdə olan “ictimai” fəal Bəxtiyar Hacıyevi müdafiə edənlər məyus olublar. Hələ indi müəyyən ediblər ki, sən demə, Bəxtiyar başqa cür “fəallıqla” məşğul imiş. Dostunun nişanlısına, həyat yoldaşına “girişirmiş”. Adı çəkilən “fəal” həmişə “Harvard”da oxuması ilə öyünürdü. Haqlı suallar yaranır ki, Bəxtiyar universitetdə “podxod” metodları üzrə ixtisaslaşıb? “Harvard” hazırlaşanları da həvəs saldı, təbii ki, bu, zarafatdır. “Kolleksioner” Bəxtiyarı hələ azadlıqda olanda tənqid edəndə, üstümüzə hücum çəkirdilər ki, onun etdiklərinin 1/100 birini edə bilməzsiniz, xidmətləri var-filan. Bəli, edə bilmərik! Etmək istəmərik də! İndi də deyirlər ki, həbsxanadadır, cavab vermək haqqı yoxdur, guya azadlıqda olsa, nə cavab verəcəkdi ki?! Siyasi fəal İlkin Rüstəmzadənin videomüraciətinə baxın, burada Bəxtiyarın cavabına ehtiyac yoxdur axı...

Kimsə demir ki, əks cins ilə yazışmaq, danışmaq qadağandır... Olar, amma bunu dostunun nişanlısına, “salam” verdiyin hər kəsə etmək riyakarlıqdır, manyaklıqdır, sui-istifadədir. Bəlkə şantajdır, bunu hələ bilmirik... “Bəxtiyarsevərlər”, belə şəxsi müdafiə etdiyinizə görə heç utanırsınız? “Bəxtiyarı öldürmə, azad et” gülməli şüarınız hara yoxa çıxdı? Allah eləməmiş, bunlar hələ idarəçiliyə də iddia edirlər. İndi bildiniz hökumət “Bəxtiyarlara” niyə meydan vermir, şərait yaratmır. Hökumət onu hamımızdan yaxşı tanıyır, hansı oyunlardan çıxdığını yaxşı bilir, mərhələ-mərhələ açıqlanır, səbirli olun.

Bəxtiyar Hacıyev həbs olundu

Bu dəqiqə Bəxtiyarın təhlükəsizliyini onun özündən daha çox dövlət qoruyur. Məncə, məhkəmə bu amili də nəzərə alıb, onun iddiasını təmin etmir. Həbsxana Bəxtiyar üçün ən təhlükəsiz yerdir hazırda.

Bəxtiyar Hacıyevin yeni fotosu yayıldı Pravda.az

Deyək ki, “Facebook” səhifəsi kiber hücuma məruz qalıb, bəs axı o şəkilləri dostlarına göndərmisən (Cinayət Məcəlləsinin 156.1-ci - şəxsi və ailə həyatının sirri olan məlumatların, belə məlumatları əks etdirən sənədlərin, video və foto çəkilişi materiallarının, səs yazılarının yayılması, habelə satılması və ya başqasına verilməsi qanunsuz toplanılmasına görə min manatdan iki min manatadək miqdarda cərimə və ya iki yüz qırx saatdan dörd yüz səksən saatadək ictimai işlər və ya bir ilədək müddətə islah işləri ilə cəza tətbiq olunur), “samovarı qaynatmaq” kimi səviyyənə uyğun söhbətlər etmisən. Hələ o qadınların həyatı, ailələri... Heç düşündünüzmü? Bəxtiyar sıradan bir vətəndaş olsaydı, bəlkə də indiyə döyüb-öldürmüşdülər. O, “ictima fəal” pərdəsinin arxasında gizlənir. O daha ictimai fəal deyil, xalis manyak “kolleksioner”dir. Fikir verdinizsə, Daxili İşlər Nazirliyi məlumat yaydı ki, bir neçə qadından Bəxtiyarla bağlı şikayət daxil olub. “Bəxtiyarsevərlər” (hələ onda peşman olmamışdılar) dərhal bildirdilər ki, ona əlavə ittiham irəli sürməyə hazırlaşırlar, guya sifarişdir. Məhkəmələr Bəxtiyarla bağlı ədalətli davranıblar, əlavə ittiham irəli sürülsə də, onların ədalətinə kölgə salınmayacaq. Yuxarıda qeyd etdiyim kimi, şantaj ehtimalı da var, bu da Cinayət Məcəlləsinin 182.1-ci (Hədə-qorxu ilə tələb etmə, yəni zərərçəkmiş şəxsin və ya onun yaxın qohumlarının şəxsiyyəti üzərində zor göstərmə, onların haqqında rüsvayedici məlumatlar yayma və ya onların əmlakını tələf etmə hədəsi ilə özgənin əmlakını və ya əmlaka olan hüququnu və ya əmlak xarakteri daşıyan digər hərəkətlər etməsini tələb etməyə görə üç ildən beş ilədək müddətə azadlıqdan məhrum etmə ilə cəzası nəzərdə tutulur) maddəsi ilə tənzimlənir.

Doğrudur, hər bir təqsirləndirilən şəxsin, hətta cinayətkarın belə, hüquqları var və qorunmalıdır. Kimlərsə hansısa əməli törədibsə, o əmələ uyğun da hüquqi qiymət verilməlidir, saxta statuslar önə çəkilməməlidir, belə olarsa, bu, ənənə halını alar, cəmiyyətdə qanunsuzluqlar artar. Həm demokratik cəmiyyət qurmaq uğrunda çalışırsınız, həm də Bəxtiyarı müdafiə edirsiniz. Kimlərisə müdafiə edəndə yüz ölçüb, bir biçin ki, sonra peşman olmayasınız, üzr istəməyəsiniz! Ziyanın yarısından da qayıtmaq faydalıdır... Əvvəlki illərdə də Bəxtiyar kimi o qədər insan görmüsünüz, bunlar sizə dərs olmalı idi axı...

Kənan Mirzəyev

Tarix: 4 Mart 2023, 13:20

Xəbər lenti