Bakıda dostunu öldürən: "İçdik, ailə üzvlərimi söydü, mən də bıçaqladım"

Bakıda tanışı Əfqan Qədəşovu qətlə yetirməkdə təqsirləndirilən Səbuhi Zülalovun cinayət işi üzrə məhkəmə ifadəsi məlum olub.

Pravda.az-ın əldə etdiyi məlumata görə, hakim Samir Əliyevin sədrliyi ilə keçirilən prosesdə o, elan edilmiş ittiham üzrə özünü tam təqsirli bilib.

Səbuhi Zülalovun ifadəsində deyib ki, hadisə ötən ilin sentyabrın 26-sı gecə saarlarında olub:

“Əfqanla düşmənçiliyim olmayıbdı. 4 ay dost kimi olmuşuq. İçkili idik və bir də ən çox, söyüşə görə davamız olmuşdur. Hətta parkda oturub onu 2 dəfə bıçaqla vurmuşdum, 15 dəqiqə oturub söhbət etdik. Səhər ad günüm idi. Aramızda mübahisə oldu. Burnum da sındı, onlar hamısı düzələn şeydir. Əfqan təzədən skamyadan qalxandan sonra mənə dedi ki, “gedək, səhər ad günümdür, səhər işimiz çoxdur” 4 aydır bir yerdə imişlər. Durandan sonra qayıdıb ona demişdir ki, ““Vapşe”, bilirsən nə var? Nə demişəm, nə söymüşəm düz eləmişəm.” Ondan sonra bıçaqdan istifadə etdim. Onu vurduqdan sonra Əfqan qaçıb təndir dükanına girdi. Orada da mübahisəmiz oldu. Həmin parkın yanında təcili yardım var imiş. Gəlib gördüm ki, artıq təcili yardım çağırıblar. Onu “nasılka”ya qoydular, özüm də maşına mindim, xəstəxanaya getdik. Lakin biz xəstəxanaya çatdan Əfqan keçindi”.

Təqsirləndirilən şəxs söyləyib ki, mərhum ona ailə söyüşü söyüb:

“Əfqanı başa saldım ki, öz zarafatımız var, başqa şey, ailə söyüşü götürmürük. Yəni heç bir şəxs götürməz. Onun yerində mən də ola bilərdim. Vurmuşam ki, sabah, yəni bu adam çıxandan sonra nə olacağını bilmirəm. Bu adam təzədən mübahisəsini mənimlə davam etdirə bilər. Əfqan ailə üzvlərim haqqında söyüş söymüşdür. Məhkəmə zalı olduğu üçün deyiləsi söz deyil. Nəsil, var-yox, ana barədə söyüşlər idi.

Bir daha deyirəm birinci Əfqan məni vurmuşdur, 3 yerdən sınıqlarım vardı. Nəfəs almağımda da problem var. Telefonla da polis əməkdaşı ilə danışmışdım, xahiş etmişdilər ki, gözləyim. Mən də polisləri gözlədim. Əməlimdən peşmanam”.

Qeyd edək ki, hadisə ötən ilin sentyabrın 26-da paytaxtın Suraxanı rayonunda qeydə alınıb.

Belə ki, 1986-cı il təvəllüdlü Səbuhi Zülalov şəxsi münasibətlər zəminində aralarında yaranmış mübahisə zamanı bıçaqla çoxsaylı xəsarətlər yetirərək Əfqan Qədəşovu qəsdən öldürməsinə əsaslı şübhələr müəyyən edilib.

Səbuhi Zülalova qarşı Cinayət Məclləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) və 221.3-ci (xuliqanlıq) maddəsi ilə ittiham olunub.

Bakı Ağır Cinayətlər Məhkəməsinin hökmü ilə o, 17 il müddətinə azadlıqdan məhrum edilib.

Kamal Məmmədov

Tarix: 9 Mart 2023, 17:14

Xəbər lenti