BURADA REKLAMINIZ OLA
BİLƏR

Abşeronda qadın müstəntiqlərin formasını cırdı

Abşeron Rayon Məhkəməsində xuliqanlıqda təqsirləndirilən Təyyarə İslamovanın cinayət işi üzrə məhkəmə istintaqı yekunlaşıb.

 

Pravda.az-ın əldə etdiyi məlumata görə, hakim Şövkət Nəcəfovanın sədrliyi ilə keçirilən prosesdə hökm oxunub.

 

Məhkəmənin hökmü ona 2 il 5 ay 28 gün müddətinə azadlığın məhdudlaşdırılması (elektron qolbaq) cəzasına məhkum olunub. Təyyarə İslamovanın barəsində seçilmiş polisin nəzarəti altına vermə qətimkan tədbiri hökm qanuni qüvvəsini alanadək gücündə saxlanılıb.

 

İttihama görə, hadisə 16 fevral 2022-ci il tarixdə, saat 19 radələrində Abşeron Rayon Polis İdarəsinin İstintaq şöbəsində xidməti iş otağında qeydə alınıb.

 

Belə ki, Təyyarə İslamova İdarənin otağına gələrək onun xəsarət alması ilə bağlı istintaq olunan cinayət işinə müstəntiq Sakit Quliyev (şərti) tərəfindən düzgün baxılmamasını bəhanə edib. Qadın otaqda müstəntiq və qeyrilərinin ünvanına uca səslə söyüşlər söyüb, otaqda olan stulları aşırıb. Bu zaman səs-küyə həmin otağa müstəntiq zərərçəkmiş Vüqar Əliyev (soyadı şərti) gəlib, onu nizam-intizama dəvət edib. Lakin Təyyarə Vüqar Əliyevin sifətindən yumruqla qəsdən bir dəfə vurub. Nəticədə o, müstəntiqin burun nahiyəsinin qançırı, üst dodağın selikli qişasının səthi əzilmiş yarası ilə müşayiət olunan, sağlamlığa zərər vurmayan xəsarət yetirib.

 

Cinayət materiallarında qeyd edilib ki, həmin vaxtı qadının qərəzli hərəkətlərinin qarşısını almağa çalışan digər müstəntiq zərərçəkmiş Həsən Bilalov (şərti) da otağa gəlib. O, həmin şəxsə də müqavimət göstərib zor tətbiq edərək, dırnaqları ilə müstəntiqin boyun nahiyəsini cırmaqlayıb. Nəticədə Təyyarə İslamova Həsən Bilalova boyun nahiyyəsinin sıyrıqlarından ibarət sağlamlığa zərər vurmayan xəsarət yetirib. Həmçinin müstəntiqin əynindəki uni formanın düymələrini qırarıb.

 

Kamal Məmmədov

Tarix: 17 Mart 2023, 13:13   
Xəbər lenti
Çox oxunanlar

Ən son xəbərləri səhifəmizdən də izləyin