BURADA REKLAMINIZ OLA
BİLƏR

PA rəsmisi: Mina problemi azad edilən ərazilərdə bərpa-quruculuq işlərini və qayıdışı ləngidir
Avtobusda qadınlar arasında dava, yeniyetmə qonşusunun burnunu sındırdı - MƏHKƏMƏ
Şimali Koreyada intihar qadağan edilir – Bu addımla qarşısını almaq mümkündürmü? – Psixoloqdan AÇIQLAMA

Deputat: “Şortik geyinib küçəyə çıxmaqla, bədənini açıq-saçıq formada insanlara nümayiş etdirməklə nə demək istəyirlər?”

“Çox təəssüf ki, bəzi gənclər milli-mənəvi dəyərlərin qorunmasını keçmişə baxış, ətalət, geridə qalmışlıq kimi qiymətləndirirlər. Gənclərə çox böyük hörmətim var. Əlbəttə, onların müstəqil olmalarını, fikirlərini açıq söyləmələrini həmişə arzulamışam, bunun tərəfdarıyam. Ancaq gənclər də özlərinə bir sual verməlidirlər: açıq-saçıq geyinməklə, çərçivədən çıxmaqla, bayağı ifadələr işlətməklə, gecələr küçələrdə səs-küy salmaqla nə demək istəyirlər? Axı bu, bizim insani keyfiyyətlərimizə ziddir. Sadə, müasir geyinmək olar, amma şortik geyin küçəyə çıx, açıq-saçıq formada öz bədənini insanlara nümayiş etdir... Bu, bizim əxlaqımıza, müəyyən dəyərlərə ziddir. Əgər ailələr, ictimaiyyət bu hərəkətlərə müsbət yanaşmırsa, onları alqışlamaq lazımdır”.

 

Bu sözləri Pravda.az-a açıqlamasında Milli Məclisin deputatı Tahir Rzayev deyib.

 

Deputat bildirib ki, Azərbaycan xalqının özünəməxsus milli-mənəvi dəyərləri var və bu dəyərlər kökdən gəlmədir, nəsildən-nəslə ötürülüb: “Əxlaqi saflıq, xeyirxahlıq, abır-həya, böyük-kiçiyə hörmət insani keyfiyyətlərdir və xalqımız bu insani keyfiyyətləri uzun illər qoruyub-saxlayıb. Əlbəttə, elə dəyərlər var ki, daim olmalıdır. Bu dəyərləri müasirliklə, yeniliklə əlaqələndirmək, çərçivədən çıxmaq düzgün deyil”.

 

“Çox təəssüf edirəm, gənclər bildirirlər ki, gecələr təhlükəsizliyimiz təmin olunmur. Əslində, onların təhlükəsizlikləri təmin olunur. Bu təhlükəsizliyin pozulmasına qarşı görülən tədbirlər uğurludur. Nəyə görə gecələr saat 3-də, 4-də küçələrə çıxmalı, səs-küy salmalı, yatanları narahat etməlisən? Bu ki müasirlik deyil. Buna müasirlik donu geyindirmək əslində tərbiyəsizliyin əlamətidir. O ailələri, valideynləri alqışlayıram ki, onlar öz övladlarının gələciyini düşünür, milli-mənəvi dəyərlərimizə söykənir, öz balalarını yad meyillərdən, neqativ hallardan uzaqlaşdırmağa çalışırlar. Gənclərə məsləhətim budur ki, keçmişlərinə - tariximizə baxsınlar, nənə-babalarımızın yüksək insani keyfiyyətlərini özləri üçün örnək seçsinlər. Yoxsa yad meyillər, Avropanın eybəcərlikləri, eybəcər fikirlər, hərəkətlər gənclərimizə, onların gələcək talelərinə ziddir, yanlış yoldur. Hər bir gənc öz gələcəyini düşünürsə, o zaman keçmişimizlə, adət-ənənələrimizlə, dəyərlərimizlə sıx təmasda olmalıdır. Yaxşıları özləri üçün örnək seçməli, gələcəklərinə, uğurlarına zəmanət, zəmin yaratmalıdırlar”.

 

Aytəkin
Tarix: 25 May 2023, 17:25   
Xəbər lenti
Çox oxunanlar
"Elçibəyin sevgilisi Tamara mən deyiləm" - VİDEO
8 İyun 22:17 Siyasət
Tahir Əmiraslanov Turizm Agentliyinə cavab verdi: “Azadə Hüseynova yalan danışır, mənə hörmət qoymurlar...” - QALMAQAL
9 İyun 11:13 Özəl
Pensiya alanlara MÜHÜM XƏBƏR
9 İyun 12:20 Sosial
Şəfiqə Nağıyevanı maşını ilə vuran taksi sürücüsü canlı yayıma zəng etdi - VİDEO
9 İyun 00:36 Cəmiyyət
Maaşlar yenidən artacaq - ŞAD XƏBƏR
9 İyun 14:57 İqtisadiyyat
Abşeronda gənc qızı şəkilləri ilə şantaj etdilər
8 İyun 22:36 Hadisə
Su sataraq atasına başdaşı düzəltmək istəyən uşağın anası danışdı – VİDEO
8 İyun 22:41 Cəmiyyət
Tamerlan Tağıyevə vəzifə verildi
9 İyun 00:35 Siyasət
Stomatoloq sükan arxasında bıçaqlanıb, qəza olub - YENİLƏNDİ
9 İyun 13:45 Hadisə

Ən son xəbərləri səhifəmizdən də izləyin