Yevlaxda qətl namus üstündə törədilibmiş

Yevlaxda xüsusi amansızlıqla qətl törətməkdə təqsirləndirilən Ramin Məmmədovun cinayət işi üzrə məhkəmə ifadəsi məlum olub.

Pravda.az-ın əldə etdiyi məlumata görə, hakim Bilal Məmmədovun sədrliyi ilə keçirilən prosesdə o, elan edilmiş ittihamda özünü təqsirli bilib.

R.Məmmədov ifadəsində göstərib ki, həyat yoldaşı Aynur (şərti) ilə ailəli olmaqla onunla əvvəl çox xoşbəxt olub, sonradan qadın uşaqları təhqir etməyə başlayıb. Aynurun mobil telefonuna tez-tez mesajlar gəlirdi, həmin mesajla barədə soruşduqda arvadı bacısı və qohumları ilə danışdığını deyib. Ramini polislə hədələyərək övladları telefona əl vuran kimi onları döyüb.

O deyib ki, sonradan arvadı və baldızının pis yola düşdüklərini eşidərək işlədiyi dəmiryol stansiyasından işdən tez çıxaraq həmin şəxsləri izləyib. Həmin vaxt mərhum Anar Sadıqov onu görərək bu barədə arvadına xəbər verib. Aynur ona bu barədə deyərək məlumatı qonşularının verdiyini bildirib. Bu barədə Aynurun anasının da məlumatı olub. Hadisə baş verən gün hər iki bacını izləyərək Aynurun mobil telefonla danışdığını görüb. Daha sonra Anarı görsə də onu tanımayıb. Axşam tərəfi Anar onu görərək geriyə çəkilib. Bu zaman Ramin binanın zirzəmisinə girib. Həmin vaxt bir nəfər yuxarı qalxaraq “o, məni gördü” deyib. Baldızı qarşı tərəfdə onun arvadının yaşadığı evin qapısını döyərək “wi fi”ın kodunu istəyib. Həmin şəxsin qonşu olduğunu güman edərək anasıgilə gedib, 1 saat orada oturub, çay içdikdən sonra qalxıb. Evdən bıçaq götürərək cibinə qoyub. Evə gedərək arvadının mənzildə olmadığını görüb. Uşaqları ona arvadının baldızıgildə olduğunu söyləyib. Aşağıda olan zaman baldızın evinin qapısı açıldıqdan sonra Anar aşağı düşüb. Arxasınca bacılar da aşağı enib. Anar çölə çıxdıqdan sonra onun arxası ilə gedib, qolundan tutaraq uşaqlarının neçə vaxtdır döyüldüyünü, təhqir olunduğunu deyib. Anar ona dəvət edildiyinə görə oraya gəldiyini bildirib. Anar Raminə əl-qol ataraq özündən başqa Vüqar və Taryel adlı şəxslərin də olduğunu deyib. Sonra Anarı bıçaqla vurub.

R.Məmmədovun sözlərinə görə, üç dəfə anasının evinə gedərək bıçaq və qayçı gətirərək Anara bir neçə dəfə zərbə endirib.

İttihama görə, R.Məmmədov qısqanclıq zəminində A.Sadıqova ümumilikdə 24 ədəd müxtəlif dərəcəli bədən xəsarətləri yetirərək onu öldürüb.

Qeyd: Bu il yanvarın 8-də saat 01 radələrində Yevlax rayonu Çənlibel qəsəbəsində 1980-ci il təvəllüdlü Anar Sadıqovun kəsici-deşici alətlə öldürülməsi barədə polisə məlumat daxil olub.

Polis əməkdaşları tərəfindən cinayəti törətməkdə şübhəli bilinən, onun həmyerlisi 1985-ci il təvəllüdlü R.Məmmədov saxlanılaraq istintaqa təhvil verilib.

Tərəflər arasında münaqişə şəxsi münasibətlər zəminində baş verib.

A.Sadıqov əvvəllər Yevlax RPŞ-də polis serjantı kimi xidmət edib.

Şəki Ağır Cinayətlər Məhkəməsinin hökmü ilə o, 18 müddətinə azadlıqdan məhrum edilib.

Kamal Məmmədov

Tarix: 5 İyul 2023, 12:28

Xəbər lenti