BURADA REKLAMINIZ OLA
BİLƏR

Güləşmək üstündə tanışını bıçaqlayan şəxs məhkəmə zalından həbs edildi

Gəncə Apellyasiya Məhkəməsində tanışını bıçaqlamaqda təqsirləndirilən İsmayıl Abbasovun barəsindəki hökmdən dövlət ittihamçısı tərəfindən verilən apellyasiya protesti üzrə məhkəmə iclası yekunlaşıb.

 
Pravda.az-ın əldə etdiyi məlumata görə, hakim Əlizamin Abdullayevin sədrliyi ilə keçirilən prosesdə qərar elan olunub.
 

Qərara əsasən, apellyasiya protesti təmin edilib, Gəncə Ağır Cinayətlər Məhkəməsinin çıxardığı hökm dəyişdirilib. Ona 2 il 4 ay 17 gün müddətinə azadlıqdan məhrumetmə cəzası təyin edilib. Təqsirləndirilən şəxs barəsində seçilmiş yetkinlik yaşına çatmayanı nəzarət altına vermə qətimkan tədbiri dəyişdirilərək həbs qətimkan tədbiri ilə əvəz olunub və İsmayıl Abbasov məhkəmə iclas zalından həbsə alınıb. 

 

İttihama görə, hadisə 14 aprel 2022-ci il tarixdə, saat 19:00 radələrində Bərdə şəhəri, Çay sahili küçəsindən keçən Tərtər çayının hövzəsinin yaxınlığında yerləşən avtomobil duracağında qeydə alınıb.
 

Belə ki, rayon sakini, 2005-ci il təvəllüdlü İsmayıl Abbasovla tanışı, zərərçəkmiş Murov Hüseynov arasında mübahisə düşüb. Mübahisəyə səbəb isə zərərçəkmişin onunla güləşərək zarafat etmək istəməsi olub. Bu zaman o, cibində gəzdirdiyi məlum olmayan deşici-kəsici alətlə zərərçəkmiş şəxsin qarın nahiyəsinə bir dəfə qəsdən vuraraq, Murova xəsarət yetirib.

 

Gəncə Ağır Cinayətlər Məhkəməsinin hökmü ilə İsmayıl Abbasova 1 il 6 ay 26 gün müddətinə azadlığın məhdudlaşdırılması (elektron qolbaq) cəzası təyin edilib. Hökmündən narazı qalan dövlət ittihamçısı apellyasiya protesti verib. Gəncə Apellyasiya Məhkəməsi təmin etməyib. Həmin qərardan dövlət ittihamçısı kassasiya protesti ilə Ali Məhkəməyə müraciət edib. Ali Məhkəmə isə dövlət ittihamçısının kassasiya protestini təmin edib, Gəncə Ağır Cinayətlər Məhkəməsinin hökmünü ləğv edib və cinayət işini apellyasiya instansiyası məhkəməsinə göndərib.

 

Xatırlatma: İsmayıl Abbasov əvvəllər oğurluq əməlinə görə məhkumluq həyatı yaşayıb.

 

Kamal Məmmədov

 

 

Tarix: 27 Fevral 2024, 08:05   
Xəbər lenti
Çox oxunanlar

Ən son xəbərləri səhifəmizdən də izləyin