BURADA REKLAMINIZ OLA
BİLƏR

Azərbaycanda COP29-un keçirilməsi manatın məzənnəsinə təsir edəcək? - AÇIQLAMA

“İqlim Dəyişmələri üzrə Çərçivə Konvensiyasının Tərəflər Konfransı (COP) beynəlxalq səviyyəli tədbirdir. Tədbir çərçivəsində ölkəyə xeyli sayda qonaq gəlməsi gözlənilir. Bu, təxminən, 70-80 minə yaxın insan deməkdir. COP29-un təşkil edilməsi devalvasiyaya və ya manatın məzənnəsinə heç bir təsir etməyəcək. Bu cür fikir irəli sürənlər, ümumiyyətlə, iqtisadiyyatdan və iqtisadi proseslərdən anlayışı olmayan insanlardır”.

 

Bu sözləri Pravda.az-a açıqlamasında iqtisadçı-ekspert Eyyub Kərimli deyib. 

O bildirib ki, manatın devalvasiyasına müəyyən faktorlar təsir etməlidir: “Burada bizim valyuta ehtiyatlarımız, neftin dünya bazarında qiymətləri, büdcədə neft qiymətlərinin dəyəri, məbləği, həmçinin tələb və təklifin mütənasibliyindən söhbət gedir. Bu baxımdan, düşünmürəm ki, COP29 Azərbaycanda keçiriləndən sonra gələcəkdə devalivasiyaya şərait yarada bilər. Bəli, ola bilər ki, COP-a müəyyən məbləğdə vəsait xərclənsin, amma həmin vəsait bir tərəfdən özünü doğruldacaq, çünki bu tədbir ölkənin turizm potensialına müsbət təsir göstərəcək. Unutmayaq ki, turizm sahəsi ölkəyə valyuta gətirir. Hər bir turist də gətirdiyi valyutanı ölkəmizdə xərcləyir. Bir sözlə, COP-dan sonra devalivasiya olacağı tamamilə əsassız və yanlış mühakimədir”. 

 

Aytəkin Qardaşova 

Tarix: 27 Fevral 2024, 10:34   
Xəbər lenti
Çox oxunanlar

Ən son xəbərləri səhifəmizdən də izləyin