BURADA REKLAMINIZ OLA
BİLƏR

“Aqrarkredit” ötən il kiçilib: aktivlərdə 661 milyonluq AZALMA

“Aqrarkredit” QSC bank olmayan kredit təşkilatı (BOKT) 2023-cü il üzrə konsolidə edilmiş maliyyə hesabatını açıqlayıb. İqtisadiyyat.az xəbər verir ki, BOKT-nin xalis mənfəəti əvvəlki illə müqayisədə 3,2 dəfə artaraq 3 milyon 404,9 min manat təşkil edib. 2022-ci ildə təşkilatın xalis mənfəəti 1 milyon 74.8 min manat təşkil etmişdi.

 

Hesabat dövründə təşkilatın faiz gəlirləri 12.2% artaraq 19 milyon 174.7 min manat, mənfəət vergisindən əvvəlki gəlirləri isə 3 dəfə artaraq 4 milyon 470.4 min manat təşkil edib.

 

Ötən il “Aqrarkredit”in cəmi aktivlərinin həcmi əvvəlki illə müqayisədə 5.5% və ya 661,3 milyon manat azalaraq 11 milyard 346.9 milyon manat olub. Cəmi aktivlərdə azalma əsasən “Azərbaycan Beynəlxalq Bankı”ndan alınmış aktivlərin azalması ilə bağlı olub. Belə ki, ABB-dən alınmış aktivlər 11,6 mlrd. manatdan 10,8 mlrd. manata enib.  

 

Hesabat dövründə təşkilatın müştərilərə verdiyi kredit (kredit portfeli) əvvəlki illə müqayisədə 37.6% artaraq 157,3 milyon manata bərabər olub. 

 

Bu dövrdə təşkilatın cəmi öhdəliklərinin həcmi 5.6% və ya 662,15 milyon manat azalaraq 11 milyard 294,7 milyon manata bərabər olub. BOKT-un borc qiymətli kağızları isə 662, milyon manat azalaraq 11 milyard 252,1 milyon manat təşkil edib.

 

2024-cü il yanvar ayının 1-nə “Aqrarkredit” BOKT-nin cəmi kapitalı 52,2 milyon manata bərabər olub ki, bu da illik müqayisədə 6.5% çoxdur.

Tarix: 10 İyun 2024, 19:08   
Xəbər lenti
Çox oxunanlar

Ən son xəbərləri səhifəmizdən də izləyin