BURADA REKLAMINIZ OLA
BİLƏR

Azərbaycan Ordusunun mövqeləri Keşişkənd istiqamətindən atəşə tutuldu
12 günlük tətil başladı
Araz Musayevdən cavab: “Federasiyanı təhvil verməyi tələb edirlər, sonra da saxta xəbərlər yayırlar, bunu dayandırın” - VİDEO

Ağasəlim Mircavadov Santuşun təyinatından danışdı: "Mən də millimizə yerli məşqçi gətirilməsini istəyirdim..."

Futbol üzrə Azərbaycan milli komandasının baş məşqçisi postuna portuqaliyalı mütəxəssis Fernandu Santuşun gətirilməsi müzakirə yaradıb. Futbol azarkeşləri bir neçə ay əvvəl “Beşiktaş” klubunda uğursuz nəticələr aldığı üçün qovulan Santuşun ölkəmizə transfer edilməsini etirazla qarşılayıblar. Bununla yanaşı, 70 yaşlı Fernandu Santuşun əvəzinə gənc və yerli məşqçi gözləyənlərin də xəyalları suya düşüb. AFFA rəhbərliyinin Santuşun maaşını açıqlamaması isə müzakirələri daha da alovlandırıb. 

 

Azərbaycanın qocaman futbol mütəxəssisi Ağasəlim Mircavadov Pravda.az-a açıqlamasında müzakirləri belə şərh edib: 

 

“Ümumiyyətlə, mən özüm də millimizə yerli məşqçi gətirilməsini istəyirdim. Alınmadı. Məlum məsələdir ki, nəyə görə alınmadı, bunu rəhbərlik özü bilir. Hazırda belə düşünürəm ki, bizim futbolumuz Portuqaliya və İspaniyaya çox yaxındır. Yəni topla işləyən oyunçularımız var. Topla oynamağı sevirlər. Deyirdim ki, xaricdən məşqçi gələsi olsa, bu iki ölkənin birindən gəlsin. İndi Santuşu dəvət ediblər. O, Portuqaliyada Avropa Çempionu olub, uğurları var. Klub səviyyəsində Yunanıstanda da uğurları olub. Lakin bu da məlumdur ki, axır illərdə nə Polşada, nə də “Beşiktaş”da uğur qazanmadı. Hər məşqçinin öz fikri, fəlsəfəsi olur. Santuşun milli komandaya gətirilməsində fikirləşməli nəsə yoxdur”. 

 

A.Mircavadov milliyə gənc məşqçi gətirilməsi barədə gözləntilərə isə belə cavab verib: “Cavan məşqçi istəyirsinizsə, cavan məşqçinin təcrübəsi olmayacaq. Yaşa gəldikdə isə, indi bizdə “mod” düşüb, 60 yaş tamam olan kimi məşqçini çıxarırlar ki, “sən qocasan, cavanlar gəlsin”. Axı cavanlar yaşlılardan öyrənməlidirlər. Biz öyrənmişik. Allah gənclərin canını sağ eləsin. Hamımız istəyirik ki, baş məşqçi də gənc olsun, yaxşı fikirdir. Amma baş məşqçi olmaq üçün təcrübə, bilik, istək lazımdır. Yaş həddi rol oynamır. Bəyəm Santuş futbol oynayacaq? Bir məsələ də var, əvvəl biz işləyəndə baş məşqçi və onun köməkçisi olurdu. Onlar qapıçılarla, müdafiəçilərlə, orta xətlə, hücumçularla işləyirdilər. Fiziki durumu da onlar verirdilər. İndi isə hər məşqçinin 8-10 nəfər köməkçisi var. İşi onlar görəcəklər, bu isə hamısını başa salacaq, vəssalam”. 

 

A.Mircavadov F.Santuşun maaşının açıqlanmamasına da münasibət bildirib: “Bu barədə nəsə deyə bilmərəm. İşin maliyyə tərəfinə qarışmaq fikrim yoxdur. Mənə görə, şərait olsun, şəraitə görə isə hərəkət olmalıdır”. 

 

Aytəkin Qardaşova 
Tarix: 15 İyun 2024, 12:48   
Xəbər lenti
Çox oxunanlar
Maaşlarla bağlı YENİ QƏRAR
19 Mart 15:28 Sosial
Dövlət başçısı fərman imzaladı
19 Mart 17:25 Siyasət
Pensiya ilə bağlı mühüm xəbər
19 Mart 10:11 Sosial
Kommunal xidmətlərlə bağlı yenilik
19 Mart 12:38 Sosial
Dövlət başçısından daha bir SƏRƏNCAM
19 Mart 13:21 Siyasət
Bu şəxslərin aylıq vəzifə maaşları artırıldı: ŞAD XƏBƏR
19 Mart 17:50 İqtisadiyyat
“Cibimə “paçka” ilə pul qoydular” - Ağadadaş Ağayev
19 Mart 10:08 Cəmiyyət
“Azğınlaşmış qadınların əlindən şəhər biabırçı vəziyyətdədir”
19 Mart 21:30 Cəmiyyət
“Mis Nazim”ə vəzifə verildi
19 Mart 13:05 Sosial

Ən son xəbərləri səhifəmizdən də izləyin