Nura Suri: "Zeynəb Xanlarova, Afaq Bəşirqızı kimi şəxsiyyətləri təhqir etdirdiniz"

Bir müddət status yazmayacam, qalın mənsiz, bir az darıxın. Aylardır müsahibə vermirəm, efirə çıxmıram. Yəni ki, gündəmdə olmaq üçün can atmıram. İnstagram və ya Facebookda canlı yayımlar etmirəm (sevmirəm, əvvəllər də etmirdim). Facebookda həmişə aktiv olmuşam. Yazdığım statuslar hər zaman saytlarda xəbər olub. Haqsızlığa qarşı biganə qalan biri də deyiləm. Nə başqalarına qarşı, nə də özümə qarşı. Şərhlərimin də artıq xəbər olması məni açmır. Hətta sarkazmla, ironiya ilə yazılan şərhlərimi, kiminləsə yazışmanı götürüb xəbər edirlər. Polisə, məhkəməyə müraciət etmək istəmirəm, çünki onların daha vacib işləri var. Amma daha əvvəl dəfələrlə müraciət etmişəm, həmin insanlar gəlib orda ağlayıblar, mən də ərizəmi geri götürmüşəm. Empatam çünki. Biri ağlayanda məni də ağlamaq tutur.
Mənə belə gündəm lazım deyil. Hər gün bir xəbərim çıxır. Noolub? Başqa maraqlı insan yoxdur? Bitirin də bu komediyanı. Ayıbdır axı, qələminizə hörmət edin. Oturub güdürsüz ki, şərh yazım, xəbər edəsiniz. Statusları bildik, şərhlərdən xəbər etmək nədir? Təbii ki, hər kəsə aid etmirəm. Söhbət yazılarımı konteksdən çıxaranlardan gedir. Brilliant xanım düz deyir, bilərəkdən məşhurlara qarşı aqressiya yaradırlar. Zeynəb Xanlarova, Afaq Bəşirqızı və sair şəxsiyyətlərə kimi təhqir etdirdiniz. Bu nə kompleksdir, bu nə tərbiyəsizlikdir? Bu səbəbdən heç kəsin şərhinə cavab yazmayacam bir müddət, statuslarınızı da şərh etməyəcəm. Zatən bəziləriniz yazdıqlarımı olduğu kimi yox, səviyyənizə uyğun anlayırsınız. Yazılarımı yalnız dostluğumda olan insanlar şərh etsin.

Nura Suri

Müğənni

Tarix: 31 May 2020, 22:06   
Xəbər lenti
Çox oxunanlar

Ən son xəbərləri səhifəmizdən də izləyin