Yaşıl çayın hansı faydaları və zərərləri var?

Yaşıl çay oksidləşməmiş yarpaqlardan hazırlanan çay növüdür. Bir çox faydalı xüsusiyyəti ilə diqqət çəkən yaşıl çay dünya üzrə ən çox istehlak edilən çaylardan biridir.

Pravda.az bildirir ki, tibb sahəsində aparılan son araşdırmalar, yaşıl çayın bir çox sağlamlıq problemində müsbət təsir göstərdiyini ortaya çıxarıb.

Yaşıl çayın faydaları

Yaşıl çay xüsusilə antibakterial və antioksidant xüsusiyyətləri ilə tanınır. Elm adamları bu çayın aşağıdakı sahələrdə faydalı olduğunu bildirir:

İmmunitet sistemini gücləndirir: Yaşıl çay oksidləşməyə qarşı qoruyan Epigallokateşin (EGCC) adlı güclü antioksidant ehtiva edir.

Stressi azaldır: Yaşıl çayın tərkibindəki theanine maddəsi stressin idarə olunmasına kömək edir.

Xərçənglə mübarizə: Yaşıl çayın polifenolləri bədəni xərçəngə qarşı qoruyan güclü antioksidantlardır.

Yağ yandırma və çəki itirilməsi: Araşdırmalar göstərir ki, yaşıl çay metabolizmanı sürətləndirir və yağ yandırmağı artırır.

Yuxu keyfiyyətini artırır: Yatmazdan əvvəl yaşıl çay içmək yuxu keyfiyyətini yaxşılaşdırır.

Tədqiqatlar yaşıl çayın xərçəngin qarşısını almağa kömək etdiyini göstərir: Son elmi araşdırmalar yaşıl çayın müəyyən xərçəng növlərinin qarşısını almağa kömək etdiyini açıqlayıb. Xüsusilə, döş vəzi və prostat xərçəngi riskini azaltdığı, həmçinin, yemək borusu və ağciyər xərçənginə qarşı mübarizə aparmağa kömək etdiyi bildirilir.

Yaşıl çay və beyin sağlamlığı: Yaşıl çay beyindəki funksiyaları gücləndirir və alzheimer ilə parkinson xəstəliklərinin riskini azaldır. Araşdırmalara görə, bu çay bilik və yaddaşın yaxşılaşmasına kömək edir, həmçinin, beyindəki dopamin səviyyələrini artırır.

Yaşıl çayın zərərləri

Yaşıl çayın çox istehlakı müəyyən zərərlərə yol aça bilər. Çox yaşıl çay içmək kafein qəbulunun artmasına səbəb olur ki, bu da yuxusuzluq, ürək çırpınması və baş ağrılarına yol açar. Həmçinin, yaşıl çay bəzi insanlarda mədədə narahatlığa və ya ishala səbəb ola bilər.

Yaşıl çayın dəmlənməsi: Yaşıl çayı düzgün dəmləmək vacibdir. Çünki qaynar su, çayın tərkibindəki faydalı maddələri azalda bilər. Mütəxəssislər yaşıl çayın 2-3 dəqiqə dəmlənməsini və hər gün 3 fincandan artıq içilməməsini tövsiyə edirlər.

Qeyd: Yaşıl çayın sağlamlığa faydaları çox olsa da, onun istehlakında ölçüyə nəzarət vacibdir. Yaşıl çayın xəstəliklərin qarşısını almağa kömək etdiyi bildirilsə də, çox istehlakın mənfi təsirləri də unudulmamalıdır. Bu səbəbdən yaşıl çayın faydalarından yararlanmaq istəyənlərin məsləhət olunan şəkildə istifadə etmələri tövsiyə olunur.

Əminə Bayramova

Tarix: 9 Aprel 2025, 08:19

Xəbər lenti