BURADA REKLAMINIZ OLA
BİLƏR

Gündə bir qaşıq darçınla Alzheimer riskini azalda bilərsiniz

Tərkibindəki güclü maddələr sayəsində bəzi qidalar sağlamlıq üçün əsl möcüzəyə çevrilə bilir. Bu qidalardan biri də darçındır. Ən çox şirniyyatlarda istifadə edilən darçın, əslində sağlamlıq baxımından çox sayda faydası ilə seçilir.

 

Pravda.az darçının faydalarını təqdim edir:

 

Dəfnəkimilər fəsiləsinə aid olan darçın yüksək qida dəyəri ilə orqanizm üçün güclü  antioksidantdır. Bu xüsusiyyəti sayəsində immun sistemini gücləndirir və bədəni müxtəlif xəstəliklərə qarşı qoruyur. Cəmi bir çay qaşığı darçın belə sağlamlığa müsbət təsir göstərə bilər. Dadı ilə yanaşı faydaları ilə də seçilən darçın, yüksək təzyiq kimi bir çox problemin qarşısını almaqda köməkçi olur.

 

Təbii antioksidant mənbəyidir

 

Darçın sərbəst radikalların bədəndə yayılmasının qarşısını alır və yüksək antioksidant tərkibə malikdir. Tədqiqatlara əsasən, darçın ən güclü antioksidantlardan biri hesab olunur. Bu xüsusiyyəti ilə hüceyrələri oksidləşmə nəticəsində yaranan zədələnmələrdən qoruyur və bədənin vaxtından əvvəl qocalmasının qarşısını alır.

 

Həzm sistemini tənzimləyir

 

Bağırsaq hərəkətlərində problem yaşayanlar üçün darçın əsl köməkçidir. Bağırsaqlarda yaranan göbələk və zərərli bakteriyalarla mübarizə aparır, şişkinlik və həzmsizlik kimi narahatlıqları azaldır.

 

Qan şəkərini tənzimləyir

 

Qan şəkərinin qəfil düşməsi yorğunluq, halsızlıq və diqqət pozuntusuna səbəb ola bilər. Darçın isə qan şəkərini balanslaşdıraraq insanın günə daha enerjili başlamasına imkan yaradır.

 

İştahı nəzarətdə saxlayır

 

Qan şəkərinin tənzimlənməsi qəfil şirin istəklərinin qarşısını alır. Eyni zamanda, toxluq hissi verən darçın, qidaların daha yavaş həzm olunmasına kömək edir və bu da aclıq hissini azaldır. Bu xüsusiyyətləri ilə çəki nəzarətində də faydalıdır.

 

Digər faydaları

 

Ürək-damar xəstəlikləri, infarkt və yüksək təzyiq riskini azaldır,

 

Yaddaşı gücləndirərək Alzheimer xəstəliyinin yaranma ehtimalını azaldır,

 

Nevronları və motor bacarıqları qoruyaraq Parkinsonun qarşısını almağa kömək edir,

 

Aybaşı ağrılarını yüngülləşdirir,

 

Miqren tutmalarını azaldır,

 

Ağız qoxusunun qarşısını alır,

 

Əzələ, premenstrual və yaşla bağlı ağrıları yüngülləşdirir,

 

Yüksək xolesterin, yüksək trigliserid və qan təzyiqinin azalmasına müsbət təsir göstərir,

 

Diş ağrısını yüngülləndirməkdə xüsusilə təsirlidir.

 

Əminə Bayramova

Tarix: 15 Aprel 2025, 10:19   
Xəbər lenti
Çox oxunanlar

Ən son xəbərləri səhifəmizdən də izləyin