Baş ağrısını ev şəraitində yüngülləşdirməyin 10 yolu

Baş ağrısı adətən keçici olmaqla yanaşı, gündəlik həyatda çox rast gəlinən ağrı növüdür. Bu ağrılar beyin, ətraf sinirlər, əzələlər və qan damarlarının ağrı siqnalı göndərməsi ilə meydana çıxır. Stress, yuxusuzluq, qidalanma pozğunluğu, göz yorğunluğu və əzələ gərginliyi kimi faktorlar baş ağrısına yol açır.

Pravda.az bildirir ki, əgər baş ağrısı tez-tez təkrarlanırsa, bu halın altında sinusit, miqren, menenjit və ya nevroloji problemlər dayanır.

Baş ağrısı növləri: birincili və ikincili

Baş ağrılarının 150-dən çox səbəbi olsa da, bunlar əsasən birincili və ikincili olaraq iki qrupa bölünür.

Birincili baş ağrıları (Gərginlik tipi baş ağrısı)

Ən çox rast gəlinən baş ağrısı növü olan gərginlik tipi baş ağrısı daha çox qadınlarda müşahidə olunur. Alın və boyun nahiyəsinə yayılan, fiziki fəaliyyətlə ağırlaşmayan bu ağrıya çox nadir hallarda işıq və səsə qarşı həssaslıq müşahidə oluna bilər. Xroniki halda ayda ən az 15 gün və ildə ən az 6 ay davam edir.

Əlamətləri:

Başın hər iki tərəfində təzyiq və sıxılma hissi

5-10 dəqiqədən günlərlə davam edən ağrı

Nadir də olsa, yüngül bulantı və səsə-işığa qarşı həssaslıq

Əsas səbəblər: psixoloji stress, əzələ gərginliyi, yuxusuzluq və dərmanların həddindən artıq istifadəsi

Miqren tipi baş ağrısı

İkinci ən çox rast gəlinən birincili baş ağrısı növü olan miqren qadınlarda daha çox müşahidə olunur və genetik meyillilik göstərə bilər. Bəzi qidalar, hormonal dəyişikliklər, yuxu pozğunluğu və stress miqreni tetikleyə bilər.

Əlamətləri:

4-72 saat davam edən ataklar

Zonklayıcı və tək tərəfli ağrı

Bulantı və qusma ilə müşayiət oluna bilər

Fiziki fəaliyyətlə daha da şiddətlənə bilər

İşığa və səsə qarşı yüksək həssaslıq

İkincili baş ağrıları

İkincili baş ağrıları müxtəlif sağlamlıq problemlərinin əlaməti ola bilər.

Dərman istifadəsi ilə bağlı baş ağrısı

Bəzi dərmanlar, hətta baş ağrısı üçün istifadə edilən dərmanların həddindən artıq istifadəsi belə ağrıya səbəb ola bilər.

Beyin şişi və ya anevrizma

Baş ağrısı ilə yanaşı görmə pozğunluğu, qulaqda səs və şəxsi dəyişikliklər varsa, beyin şişi və ya beyin qanaması ehtimalı nəzərə alınmalıdır.

Spinal və sinüs mənşəli baş ağrıları

Beyin-omurilik mayesinin azalması və ya sinüzit kimi hallarda alın, yanaq və dişlərdə ağrı müşahidə olunur.

Travma sonrası və yüksək təzyiqlə bağlı baş ağrıları

Qəza və zədələrdən sonra, eləcə də yüksək təzyiq səbəbilə alın və ense bölgəsində baş ağrısı baş verə bilər. Burun qanaması müşahidə edilərsə, bu beyin qanamasına qarşı qoruyucu reaksiya ola bilər.

Hormonal dəyişikliklər və göz təzyiqi

Adət dövrü, menopauza və hamiləlikdə baş verən hormonal dəyişikliklər də baş ağrısına səbəb ola bilər. Qapalı bucaqlı qlaukoma isə kəskin baş ağrısı ilə müşayiət oluna bilər.

Baş ağrısına nələr yaxşı təsir edir?

Aşağıdakı üsullar baş ağrısını yüngülləşdirə və ya aradan qaldıra bilər:

Soyuq və ya isti kompres tətbiqi

Bol su içmək

Çobanyastığı, zəncəfil çayı içmək

Az miqdarda qəhvə və ya çay içmək

Nanə və ya lavanda yağı ilə masaj

Sakit və qaranlıq otaqda dincəlmək

Yuxu rejiminə əməl etmək

B kompleksi və maqnezium kimi əlavə vitaminlər qəbul etmək

Səs-küydən uzaq durmaq

Diş ağrısından qaynaqlanırsa duzlu su ilə qarqara etmək