Yeni Roma Papası Leo kimdir? - Bilməli olduğunuz 10 vacib fakt

Vatikanda keçirilən konklavın üçüncü turunda, Papa Fransiskin vəfatından sonra, yeni papa seçilən- XIV Leo, əsl adı ilə Robert Francis Prevost. O, Amerika qitəsindən seçilən ilk papa olmaqla tarix yazıb.

69 yaşlı Çikaqo mənşəli Prevost qlobal təcrübəyə malik bir lider kimi tanınır. Uzun illər Cənubi Amerikada missionerlik fəaliyyəti ilə məşğul olub və son dövrlərdə Vatikanda yepiskopların təyinatına nəzarət edən mühüm ofisə rəhbərlik edib.

Milli.Az xəbər verir ki, "CNN International" bildirir ki, onun seçilməsi mərhum Papa Fransiskin islahat kursunun davamı kimi qiymətləndirilir. Prevostun fəaliyyətinin yoxsullara və cəmiyyətin kənarında qalanlara yönələcəyi gözlənilir.

Yeni Papa haqqında bilməli olduğunuz 10 əsas məqam:

Çikaqoda doğulsa da, uzun illər Peruda yaşayıb və xidmət edib, ABŞ kardinalları arasında ən universal düşüncəli hesab olunurdu.

10 il Trujillo şəhərində, daha sonra isə Çiklayo yepiskopu kimi fəaliyyət göstərib.

İspan və italyan dillərində sərbəst danışır.

Papa Fransiskin rəğbətini qazanmışdı

Papa Fransisk ona xüsusi hörmət bəsləyir, onu bacarıqlı və uzaqgörən lider kimi qiymətləndirirdi.

Avqustin ordeninin üzvüdür

Uzun illər Avqustin rahiblər ordeninin başçısı olub.

İlk çıxışında Müqəddəs Avqustindən sitat gətirərək təvazökarlıq nümayiş etdirdi:

"Sizin üçün mən yepiskopam, sizinlə birlikdə isə sadəcə bir xristianam."

Geniş liderlik təcrübəsinə malikdir

Yepiskoplar Prioriyasının rəhbəri olub, həmçinin Latın Amerikası üzrə Papa Komissiyasının prezidenti vəzifəsini daşıyıb.

Missionerlik ruhu ilə yaşayır.Özünü hələ də missioner kimi görür və harada olur-olsun, Müjdəni yaymağı əsas vəzifəsi hesab edir. Peruda keçirdiyi illəri şəxsi və ruhani inkişafında ən təsirli dövr kimi dəyərləndirir.

İkili vətəndaşlığa sahibdir. ABŞ və Peru vətəndaşıdır. 2015-ci ildə Peru pasportu alıb.

"Leo" adını seçməsi təsadüfi deyil - sonuncu Papa VIII Leo da yoxsul və zəhmətkeşlərin hüquqlarının müdafiəçisi olub.

Kilsənin daha inklüziv və qlobal istiqamətə yönəlməsində Papa Fransiskin xəttini davam etdirəcək, lakin öz fərdi liderlik tərzini də nümayiş etdirəcək.

Sosial məsələlərdə mütərəqqi, əxlaqi məsələlərdə isə mötədil mövqe tutması gözlənilir.

Riyaziyyat və ilahiyyat üzrə təhsil alıb. Peruda seminariyada kanon hüququ üzrə dərs də deyib.Tennis və səyahət həvəskarıdır

"Mən özümü kifayət qədər həvəskar tennisçi hesab edirəm. Perudan ayrıldıqdan sonra məşq üçün az imkanım oldu, korta qayıtmağı səbirsizliklə gözləyirəm," - deyə o, kardinal olduqdan sonra Avqustin Ordeninə müsahibəsində bildirib.

Asudə vaxtlarında kitab oxumaq, gəzmək və yeni yerləri kəşf etmək onun sevdiyi məşğuliyyətlərdəndir.

Tarix: 10 May 2025, 12:22

Xəbər lenti