Terrorçunun layiqli cəzasına çatdırılması Azərbaycan Prezidentinin vətəndaşlarının hüquqlarını sonadək qorunması sayəsində mümkün oldu – RƏY

“Tehrandakı səfirliyimizə hücum edən, səfirliyimizi əməkdaşını qətlə yetirən terrorçunun layiqli cəzasına çatdırılması yalnız və yalnız Azərbaycan Prezidentinin qətiyyəti, prinsipiallığı və öz vətəndaşlarının hüquqlarını sonadək qorunması sayəsində mümkün oldu”.

Bu sözləri Pravda.az-a açıqlamasında Azərbaycan-İran parlamentlərarası əlaqələr üzrə işçi qrupunun üzvü Hikmət Babaoğlu deyib.

Azərbaycanda deputat koronavirusdan sağaldığını qəhvə ilə müəyyənləşdirib Pravda.az

Deputat bildirib ki, İran çox rəngarəng ölkədir: “Çoxsaylı müxtəlif monopulyativ qruplar çalışırdılar ki, səfirliyimizdə terror törədən cinayətkar məsuliyyətdən kənar qalsın, bundan sonra da bənzər hadisələrin törədilməsi üçün digərləri bu cinayət hadisəsindən ilham almış olsunlar. Azərbaycan Prezidenti necə ki 30 il torpaqlarımızı işğal altında saxlayan, xalqımıza qarşı terror törədən, xalqımızın milli-mənəvi dəyərlərini tar-mar edən, yurd-yuvalarımızı dağıdan erməni cinayətkarlarının böyük əksəriyyətinin Azərbaycanın ədalət mühakiməsinin qarşısına gətirə bildi, bu şəkildə də İranda xalqımıza, əslində isə Azərbaycan dövlətinə qarşı cinayət törədən terrorçunun layiqli cəzasını almasını təmin etdi. Hər bir ölkənin digər ölkədəki səfirliyi onun öz ərazisi hesab edilir. Bu terror aktı təkcə diplomatımıza qarşı deyil, həm də Azərbaycan dövlətinə qarşı törədilən terror aktı idi. Azərbaycan Prezidenti buna nail olmaqla bir daha göstərdi ki, heç kim heç yerdə Azərbaycana və onun vətəndaşlarına, onların təhlükəsizliklərinə qarşı cinayət əməlləri törətməsinlər, çünki harada olurlarsa, olsunlar, mütləq qanun qarşısında cavab verəcəklər. Məhkəmə qərarının yerinə yetirilməsinin gerçəkləşməsi İran Prezidenti Məsud Pezeşkianın Azərbaycana sonuncu səfərindən sonra mümkün oldu. Bu da təsadüfi deyil. Beynəlxalq münasibətlər sistemində Azərbaycanın artan nüfuzu, regional müstəvidə ölkəmizin qüdrətinin artması Azərbaycanı İran üçün də vazkeçilməz tərəfdaşa çevirdi, ya da çevirməkdədir. Bu güclə hesablaşmamaq mümkün deyil. Pezeşkianın səfərindən sonra iki ölkənin münasibətlərində yeni mərhələnin başlamaqda olduğunu müşahidə edirik. Bu da Azərbaycanın etibarlı tərəfdaş, qonşuluq, dostluq, qardaşlıq münasibətlərinə sadiq olmasından irəli gəlir. Bir zamanlar Azərbaycanı İrana qarşı təhdid kimi göstərən qüvvələr artıq bunu edə bilmirlər, çünki Azərbaycan sübut etdi ki, İran heç vaxt onun ərazisindən təhdid edilə bilməz. Bu isə münasibətlərin yaxşılaşmasına gətirib çıxardı. Xüsusilə terrorçunun öz cəzasına çatdırılması İran-Azərbaycan münasibətlərinin önünü daha da açacaq”.

Aytəkin Qardaşova

Tarix: 21 May 2025, 15:27

Xəbər lenti