Azərbaycan xüsusilə Avropada qlobal enerji təhlükəsizliyinin mühüm sütunu olaraq qalır - RƏY

“Bu il Bakı Enerji Həftəsində 39 ölkədən 267-dən artıq şirkətin iştirakı ilə enerji sənayesi liderlərinin Azərbaycan paytaxtında bir araya gələrək enerji təhlükəsizliyi, enerji istehsalı, yaşıl enerji və digər vacib məsələləri müzakirə etməsi ölkəmizin beynəlxalq nüfuzundan xəbər verir. Azərbaycanın yeni enerji strategiyasının müəllifi ümummilli lider Heydər Əliyevin təşəbbüsü və iştirakı ilə imzalanan Əsrin Müqaviləsi Azərbaycanın dünyanın neft ixracatçılarından birinə çevrilməsində mühüm rol oynayıb. Azərbaycanda hər il keçirilən Bakı Enerji Həftəsi beynəlxalq müstəvidə böyük maraqla qarşılanır. Bu tədbir bütün dünyanın enerji sənayesi sahəsində mövcud olan liderlərini bir araya gətirir və bununla da diqqəti Azərbaycana cəmləşdirir. Prezident İlham Əliyevin Bakı Enerji Həftəsinin açılış mərasimində iştirakı tədbirin yüksək statusunu təsdiqləyir”.

Bunu Pravda.az-a açıqlamasında Milli Məclisin deputatı Aydın Hüseynov deyib.

Aydın Hüseynov: “Az bir müddətdə işğalda qalan ərazilərimizi mənfur qonşularımızdan azad edəcəyik" Pravda.az

Deputat qeyd edib ki, Azərbaycanın dünyanın enerji siyasətində, enerji təhlükəsizliyindəki rolu beynəlxalq ictimaiyyət tərəfindən etiraf olunur: “Azərbaycan xüsusilə Avropada qlobal enerji təhlükəsizliyinin mühüm sütunu olaraq qalır. Azərbaycan öz enerji tarixində yeni səhifə açarkən təmiz enerjiyə artan diqqət və sadiqlik məmnunluq doğurur. Ölkəmiz enerji ehtiyatlarını sülh əməkdaşlığının genişlənməsi üçün bir vasitəyə çevirə bilib, enerji xəritəsini dəyişdiyi aydın şəkildə hiss olunur. Azərbaycan ənənəvi enerjidən bərpa olunan enerji növlərinə keçid üzrə dünyaya öz töhfələrini verməkdədir və bu sahədə özünün yanaşmaları ilə çıxış edir. Azərbaycan, həqiqətən də, qeyri-ənənəvi enerji mənbələri ilə dünya enerji təhlükəsizliyinə töhfələr verəcək. Azərbaycanda keçirilən Bakı Enerji Həftəsi ölkəmizin dünyanın alternativ enerji erasına keçid prosesində xüsusi rol oynamaq xarakterindən xəbər verir. Bu gün bəzi mərkəzlər neft və qaz ehtiyatları ilə zəngin olan ölkələr arasında nifaq salmağa çalışırlar. Nefti olan və olmayan ölkələrin məsuliyyətlərini bərabərləşdirmək cəhdləri var. Prezidentin çıxışında da olduqca maraqlı yanaşmaları gördük. Azərbaycan yeni alternativ enerji mənbələrinə keçməklə kifayətlənmir, eyni zamanda bu keçidin ən müasir tələblərə cavab verən konsepsiyasını hazırlayıb. Azərbaycan Prezidenti İlham Əliyev Bakı Enerji Həftəsinin iştirakçılarına müraciətində dediyi kimi, enerji təhlükəsizliyinin möhkəmləndirilməsi, enerji təchizatının şaxələndirilməsi və yaşıl enerji üzrə davamlı inkişaf bu gün də ölkəmizin əsas prioritetləri sırasındadır. Bu istiqamətdə görülən işlər qlobal enerji bazarında Azərbaycanın etibarlı və məsuliyyətli tərəfdaş mövqeyini daha da gücləndirir”.

Aytəkin Qardaşova

Tarix: 3 İyun 2025, 19:12

Xəbər lenti