Deputatlar tətildə harada dincələcəklər? – Türkiyə, Qarabağ, Şahdağ...

Məlum olduğu kimi, iyulun 14-də Milli Məclisin 2025-ci il üzrə növbədənkənar sessiyasının sonuncu plenar iclası keçirilib. Deputatlar iyulun 15-dən avqustun 30-dək tətilə buraxılıblar.

Pravda.az deputatların yay tətilində harada istirahət etməyi planlaşdırdıqlarına dair sorğu keçirib.

Milli Məclisin İnsan hüquqları komitəsinin sədri Zahid Oruc iş qrafikinin gərginliyindən gileylənib:

“Yay tətilini ölkəmizdə ailəmlə birlikdə keçirəcəyəm. Hər zaman belə olub. Sosial Tədqiqatlar Mərkəzində iş qrafiki çox sıxdır. Avqustda müəyyən bir imkan tapmağa, doğmalarla birlikdə nəfəs dərməyə ümidliyik...”

Müdafiə, təhlükəsizlik və korrupsiya ilə mübarizə komitəsinin üzvü Aydın Mirzəzadə də tətil günlərində deputatlıq fəaliyyətini davam etdirir:

Aydın Mirzəzadə: "Bəzi insanlar böyük işlərə qiymət vermirlər" Pravda.az

“Seçicilərin zənglərinə cavab verirəm. Seçildiyim Mingəçevir şəhəri ilə bağlı bu və ya digər məsələnin müzakirəsində iştirak edirəm. Bir qayda olaraq Bakıdan kənara çıxmıram. Bir-iki günlük hansısa regiona gedə bilərəm. Amma yenə də üzərimə düşən məsuliyyəti yerinə yetirməyə çalışıram”.

Milli Məclisin İctimai birliklər və dini qurumlar komitəsinin sədri Fazil Mustafa Bakıda dincələk:

“Ola bilsin, bir neçə günlüyə rayona da gedim”.

Milli Məclisin İctimai birliklər və dini qurumlar komitəsinin üzvü Cavanşir Paşazadə öz doğma kəndində dincəlməyi düşünür:

“Lənkəranın Cil kəndində olacağam. Hələ ki planlar belədir. Həm seçicilərin yanında olacağam, həm də ata-baba yurdumda bir az istirahət edəcəyəm. Düşünürəm, bu yayı elə Lənkəranda, Bakıda olacağam. Xarici ölkələrə getmək fikrim yoxdur. Bir sözlə, həkimə ehtiyacım yoxdur...”

Milli Məclisin Əmək və sosial siyasət komitəsinin sədr müavini Elşad Musayev də Azərbaycanda dincələcək:

“İmkan olsa, bəlkə, Türkiyəyə də getdik. Dəqiq bilmirəm”.

Milli Məclisin Elm və təhsil komitəsinin üzvü Samir Vəliyev isə tətil başlasa da, bizimlə danışarkən Brüsseldə NATO-nun seminarında idi:

“Yay tətilini harada keçirəcəyimi hələ müəyyənləşdirməmişəm. Bu haqda heç düşünməmişəm də...”

Milli Məclisin Beynəlxalq münasibətlər və parlamentlərarası əlaqələr komitəsinin üzvü Elman Nəsirovun isə həmkarları ilə müqayisədə yay planları pis deyil:

“Quba şəhərində “Şahdağ” istirahət sanatoriyasında bir həftə ailəmlə birlikdə keçirməyi planlaşdırıram. Sonra öz rayonumuza – Cəlilabada gedəcəyəm. Seçicilərimlə görüşüm olacaq. Ümumiyyətlə, vaxtdan səmərəli istifadə etməyi xoşlayıram. Həm seçicilərlə görüşüm, həm doğma insanlarımızın içində olum. Öz kəndimizdə də bir müddət dincəlmək istəyirəm”.

Müdafiə, təhlükəsizlik və korrupsiya ilə mübarizə komitəsinin üzvü Aqil Abbas yay tətilini Qarabağda keçirəcək: