“Xankəndinə Cıdır Düzündən uzaqdan baxmaq məcburiyyətində qalan Azərbaycan xalqı bu gün həmin şəhərdə beynəlxalq forum keçirə bilir” - RƏY

"III Şuşa Media Forumu Azərbaycan üçün yalnız media sahəsində əməkdaşlığın genişləndirilməsi baxımından deyil, həm də milli tariximizin ən şərəfli səhifələrinin xatırlanması və gələcəyə baxışın formalaşdırılması baxımından böyük əhəmiyyət kəsb etdi. Bu forum çərçivəsində müzakirə edilən məsələlər ölkəmizin keçdiyi tarixi yolun və əldə etdiyi nailiyyətlərin əyani sübutudur. Forumun əsas məzmununu təşkil edən mövzulardan biri cənab Prezidentin ata vəsiyyətinin yerinə yetirilməsi məsələsinin vurğulanması oldu. Bu vəsiyyət, Azərbaycanın ərazi bütövlüyünün bərpa edilməsi və tarixi torpaqlarının azad edilməsi istiqamətində aparılan ardıcıl siyasətin əsasını təşkil edir. Ümummilli lider Heydər Əliyevin qoyduğu təməl üzərində qurulan bu strategiya 44 günlük Vətən müharibəsində öz zirvəsinə çatdı”.

Bu sözləri Pravda.az-a açıqlamasında Milli Məclisin deputatı Naqif Həmzəyev deyib.

Naqif Həmzəyev təkliflərlə çıxış etdi Pravda.az

Deputat bildirib ki, forumda xüsusi diqqət çəkilən məsələlərdən biri də Prezident İlham Əliyevin Şuşanın azad edilməsi zamanı etdiyi tarixi çıxışın xatırlanması olub: “Bu çıxış yalnız hərbi qələbənin elanı deyil, həm də minilliklərlə davam edən ədilətli mübarizənin nəticəsinin təcəssümü idi. Şuşanın azadlığı Azərbaycan xalqının milli ruhunun dirçəlişi və tarixi ədalətin bərqərar olması demək idi. Forumun ən təsirli anlarından biri də keçmişlə indiki vəziyyətin müqayisəsi oldu. Bir neçə il əvvəl Xankəndinə Cıdır Düzündən uzaqdan baxmaq məcburiyyətində qalan Azərbaycan xalqı bu gün həmin şəhərdə qlobal səviyyəli beynəlxalq forum keçirə bilir. Bu müqayisə ölkəmizin keçdiyi çətin yolun və əldə etdiyi böyük nailiyyətlərin ən bariz göstəricisidir. Xankəndinin işğaldan azad edilməsi və burada beynəlxalq forumların keçirilməsi Azərbaycanın regional və qlobal arenada artan nüfuzunun sübutudur. Bu həm də dünya ictimaiyyətinə ölkəmizin sülhsevər siyasətinin və konstruktiv yanaşmasının nümayişidir. III Şuşa Media Forumu media sahəsində beynəlxalq əməkdaşlığın inkişaf etdirilməsi baxımından da mühüm məna daşıyır. Forum çərçivəsində müxtəlif ölkələrdən gələn media nümayəndələri ilə fikir mübadiləsi aparılması, həqiqi jurnalistikanın təbliği və dezinformasiyaya qarşı mübarizə məsələləri müzakirə edilməsi media sahəsinin inkişafına töhfə verir. III Şuşa Media Forumu Azərbaycanın tarixi qələbəsinin təkcə hərbi-siyasi deyil, həm də mədəni və informasiya müstəvisində təcəssümüdür. Cıdır Düzündən Xankəndinə, özgə yurddan öz torpağına gedən yol ölkəmizin möhtəşəm transformasiyasının rəmzidir. Bu forum həm keçmişə hörmət, həm də gələcəyə inamın ifadəsidir. Ata vəsiyyətinin yerinə yetirilməsi prosesi davam edir və III Şuşa Media Forumu bu böyük işin yeni mərhələlərindən birini təşkil edir. Qələbədən sonrakı quruculuq dövrü ölkəmizin həm daxili inkişafına, həm də beynəlxalq nüfuzunun artırılmasına xidmət edir”.

Aytəkin Qardaşova

Tarix: 20 İyul 2025, 14:24

Xəbər lenti