BURADA REKLAMINIZ OLA
BİLƏR

Qonşusunu internet xəttinin kabellərinə görə döyən şəxsə cəza verildi

Sabunçu Rayon Məhkəməsində qəsdən sağlamlığa yüngül zərər vurmada təqsirləndirilən Nihad Quliyev (adı, soyadı şərtidir) cinayət işi üzrə məhkəmə istintaqı yekunlaşıb.

 

Pravda.az-ın əldə etdiyi məlumata görə, sonuncu keçirilən prosesdə qərar elan olunub.

 

Məhkəmənin hökmü ilə təqsirləndirilən şəxs 1 il müddətinə azadlığın məhdudlaşdırılması (elektron qolbaq) cəzasına məhkum edilib. İbtidai istintaq zamanı 2 gün həbsdə saxlanılması nəzərə alınıb və həmin müddət cəzadan çıxılıb. Beləliklə, onun üzərində 11 ay 26 gün müddətinə azadlığın məhdudlaşdırılması cəzası qalıb.

 

İttihama görə, hadisə 2024-cü ildə paytaxtın Sabunçu rayonunda baş verib.

 

Belə ki, Nihad Quliyev ilə qonşusu, zərərçəkmiş Məhəbbət Bayramov (adı, soyadı şərtidir) arasında əvvəldən gərgin münasibətlər mövcud olub. Bu isə internet xəttinin kabellərinin onun peyk anteninin naqilinə mane olması və avtomobilin yaşadığı evin qarşısında saxlanılması ilə bağlı yaranıb. Nəticədə tərəflər arasında mübahisə düşüb. Mübahisə zamanı təqsirləndirilən şəxs həyətindən götürdüyü bel ilə qonşusunun sol əl nahiyəsinə zərbə vurub. Nəticədə Nahidin sol əlində kəsilmiş yaralar əmələ gəlib və sağlamlığın qısa müddətə pozulmasına səbəb olan bədən xəsarəti yetirilib.

 

Kamal Məmmədov

 

 

 

 

Tarix: 2 Sentyabr 2025, 08:51   
Xəbər lenti
Çox oxunanlar

Ən son xəbərləri səhifəmizdən də izləyin