BURADA REKLAMINIZ OLA
BİLƏR

Qadınlar arasında dava: Qəndqabını başına vurdu - CƏZA

Abşeron Rayon Məhkəməsində qəsdən sağlamlığa yüngül zərər vurmada təqsirləndirilən Nazilə Baxışovanın (adı, soyadı şərtidir) cinayət işi üzrə məhkəmə prosesi başa çatıb.


Pravda.az-ın əldə etdiyi məlumata görə, hakim Abusət Qasımovun sədrliyi ilə keçirilən prosesdə hökm oxunub.


Məhkəmənin hökmü ilə Nazilə Baxışovanın cinayət işinə xitam verilib və o, cinayət məsuliyyətindən azad edilib. Eyni zamanda barəsində seçilmiş başqa yerə getməmək qətimkan tədbiri ləğv edilib.


İttihama görə, hadisə 13 mart 2025-ci il tarixdə, saat 13:00 radələrində Abşeron rayonu, Xırdalan şəhərində yerləşən mənzillərin birində qeydə alınıb.


Belə ki, Nazilə Baxışova qohumu, zərərçəkmiş Məleykə Nəbiyeva (adı, soyadı şərtidir) ilə şəxsi münasibətlər zəminində yaranan mübahisə edib. Bu zaman o, qohumunun boğazından və saçından tutaraq dartıb, pəncərənin qarşısındakı qəndqabını götürərək başına vurub. Nəticədə zərərçəkmişin başın alın-təpə nahiyəsində əzilmiş-cırılmış yara və boyun nahiyəsində sıyrıqlar əmələ gəlib, sağlamlığı qısa müddətə pozulub.


Hadisədən sonra Nazilə Baxışova saxlanılaraq cinayət məsuliyyətinə cəlb olunub. Zərərçəkmiş məhkəmədə ifadəsində bildirib ki, təqsirləndirilən şəxsdən şikayəti yoxdur.


Kamal Məmmədov 

Tarix: 3 Sentyabr 2025, 09:25   
Xəbər lenti
Çox oxunanlar

Ən son xəbərləri səhifəmizdən də izləyin