“Ermənilər yetim buzov kimi analarını axtarırlar”

“Xalq, kütlə idarə olunmalıdır, onları heç vaxt özbaşına buraxmaq olmaz, çünki orda hər şey ola bilər. Qarabağa yürüş edən yüz minlərlə insanın bu çağırışını belə gedələr biabır edir. Onlar ilin-günün vaxtında bir daha göstərdilər ki, biz hələ varıq”

Bunu Xalq artisti Şeyx Əbdül Mahmudov deyib. Rejissor təxribata cəhd edən şəxsləri sərt tənqid edib:

“Mən deyəndə ki, içimizdə ermənilər, erməni maraqlarına xidmət edənlər doludur, onda heç kim inanmırdı. Bu gün onların çoxu dövlət vəzifələrində çalışırlar, bir çoxlarının bilavasitə ermənilərlə əlaqələsi var. Görün bunlar nə qədər durub ki, yüz minlərlə azərbaycanlının səsləndirdiyi şüarla Qarabağa yürüşünü təxribata çevirdilər. Beş-üç nəfər saqqallı gədələr parlamentə hücum ediblər. Xalq, kütlə idarə olunmalıdır, onları heç vaxt özbaşına buraxmaq olmaz, çünki orda hər şey ola bilər. Qarabağa yürüş edən yüz minlərlə insanın bu çağırışını belə gədələr biabır edir. Onlar ilin-günün vaxtında bir daha göstərdilər ki, biz hələ varıq. Bizi narahat edən əlaqədar dövlət strukturlarıdır”.

Xalq artisti ermənilərin ordumuz qarşısında aciz qaldığını və itkilərini gizlətdiyini bildirib:

“Ermənilər bütün mövqeləri uduzublar. Onlar indi yetim buzov kimi anaların axtarırlar. Mən Putinə müraciətimdə də dedim ki, artıq ermənilər yox, siz ermənilərin əlində bir vasitəyə çevrilmisiniz. Ölkəndə bütün dövlət qurumlarında ermənilər çalışırlar. Ermənilərlə bağlı artıq bu gün iş başlayıb və onların geri çəkilmək mexanizmi yoxdur. Bəlli olub ki, erməni ordusunda xidmət edən və bu gün həmin hərbi obyektlərdə ordumuz tərəfindən məhv edilən əsgərlər xaricdən gətirilən muzdlu hərbçilərdir. Ona görə də onların ordumuz tərəfindən məhv edilməsiylə bağlı mətbuatda açıqlama vermirlər. Biz bu müharibəni yüz il bundan əvvəl ideoloji savaşda uduzmuşuq. Heç bir adı olmayan ermənilər rusların vasitəsilə torpaqlarımızda özlərinə ölkə qurub əleyhimizə təbliğat aparırlar. Özləri üçün dünyanı inandıran tarix yaradırlar”.

Şeyx Əbdül mədəniyyət xadimlərini susmaqda ittiham edən şəxslərin də cavabını verib:

“Bu gün bizi ittiham edib deyirlər ki, mədəniyyət xadimləri niyə danışmır? Mən kino cameəmizin adından danışıram və demək istəyirəm ki, bunu iki cəbhəyə böldülər. Bunun birinə Rüstəm bəy, digərinə isə Şəfiqə xanım rəhbərlik edir. Bunlar bir-biriylə düşmən olan əks cəbhələrdir. Bu sahə artıq həddən artıq siyasiləşdirilmiş və özəlləşdirilmiş bir strukturdur. Buna görə də bu qurumların heç birinin kinoya aidiyyatı yoxdur. Onlardan birini Əli Həsənovla Fatma Abdullazadə Rüstəm İbrahimbəyova görə yaratdı və o, da gül kimi tarixi olan ittifaqımızı dağıtdı və indi də təzədən gəlib. Mən neçə gündür sədrimiz Şəfiqə xanım Məmmədovanı tapa bilmirəm. Şəfiqə xanım koronavirusa görə gedib Bilgəhdə istirahət edir, heç telefonlara da cavab vermir. Amma bu boyda cəmiyyət özbaşına qalıb. Azərbaycan Kinematoqrafçılar İttifaqı seçkili təşkilatdır, hər beş ildən bir seçkilər keçirilməlidir. Heç bir kəs nə yaxın gəlmir, nə də ora buraxılmır. Elə bil ki, öz dədəsinin evidi, buranı özəlləşdirib. Kinoya kino adamları rəhbərlik etməlidir. Şəfiqə xanımın kinoya ancaq aktrisa kimi töhfəsi ola bilər. Dünyanın hər bir yerində kino ittifaqlarına rejissorlar rəhbərlik edir. Mənim Azərbaycan Televiziyasındakı “Klassik irsimiz” verilişimi Əli Həsənovla Ramiz Mehdiyev bağlatdırdı. Dedilər ki, biz ermənilərlə sülhə gedirik, sən isə aranı qarışdırırsan. Mən də dedim ki, ermənin təhrif etdiyi tarixi düzəldirəm. Onda bir neçə erməni diasporları məni məhkəməyə verməyə hazırlaşırdılar. Kino cameəsi həmişə öndə olub, çünki min illərdir biz kinomuzla tariximizi yaratmışıq. Bu gün haqqında danışdığım ittifaqların fəaliyyəti dayandırılmalı və rəhbərləri də işdən uzaqlaşdırılmalıdır. Bu gün prezidentin iqtisadi, hərbi, ideoloji fəaliyyətində bütün kino cameəmiz müsəlləh əsgər kimi onun xidmətindədir”.Moderator

Tarix: 17 İyul 2020, 12:12

Xəbər lenti