BURADA REKLAMINIZ OLA
BİLƏR

Taksi sürücünü döyən şəxsə hökm oxundu

Sumqayıt Şəhər Məhkəməsində qəsdən sağlamlığa yüngül zərər vurmada təqsirləndirilən Əkrəm Məmmədlinin (adı, soyadı şərtidir) cinayət işi üzrə məhkəmə istintaqı yekunlaşıb.
 

Pravda.az-ın əldə etdiyi məlumata görə, hakim Rəşad Mustafayevin sədrliyi ilə keçirilən prosesdə hökm oxunub.


Məhkəmənin hökmü ilə o, cinayət məsuliyyətindən azad edilib və barəsində olan cinayət işinin icraatına xitam verilib.


İttihama görə, hadisə bu il Sumqayıt şəhəri, Sülh küçəsində yerləşən “Dədə Qorqud” restoranının qarşısında qeydə alınıb.


Belə ki, Əkrəm Məmmədli ilə əvvəldən tanıdığı zərərçəkmiş Rasim Hacıyevlə (adı, soyadı şərtidir) aralarında şəxsi münasibətlər zəminində mübahisə yaranıb. Mübahisə zamanı təqsirləndirilən şəxs əsəbiləşərək yumruqla zərərçəkmiş şəxsin sol göz nahiyəsinə bir dəfə zərbə endirib. Nəticədə Rasim sol gözdən xəsarətlər alıb.
 

Əkrəm Məmmədli istintaq və məhkəmə iclasında özünü təqsirli bilib, əməlindən səmimi peşman olduğunu deyib, zərərçəkmiş şəxslə barışdığını qeyd edib.


Qeyd: Rasim Hacıyev taksi fəaliyyəti ilə məşğul olur.

 

Kamal Məmmədov 

Tarix: 6 Oktyabr 2025, 09:46   
Xəbər lenti
Çox oxunanlar

Ən son xəbərləri səhifəmizdən də izləyin