BURADA REKLAMINIZ OLA
BİLƏR

“Moyka”da işçini bıçaqlayan şəxslə bağlı QƏRAR

Ali Məhkəmədə xuliqanlıqda təqsirləndirilən İntiqam Balayevin (adı, soyadı şərtidir) barəsindəki qərardan verilən kassasiya şikayəti üzrə məhkəmə iclası başa çatıb.
 

Pravda.az-ın əldə etdiyi məlumata görə, hakim Teyyub Muxtarovun sədrliyi ilə keçirilən prosesdə qərar elan olunub.


Qərara əsasən, kassasiya şikayəti təmin edilməyib.


İttiham aktına görə, hadisə 30 aprel 2024-cü il, saat 18:00 radələrində, Bakı şəhəri, Binəqədi rayonu, DSK yolu ərazisində yerləşən avtomobilyuma məntəqəsinin qarşısında qeydə alınıb.


Belə ki, İntiqam Balayev yuyucu vəzifəsində işlədiyi avtomobilyuma məntəqəsinin yaxınlığında yerləşən digər yuma məntəqəsində eyni vəzifədə çalışan zərərçəkmiş Qasım Həmidovun (adı, soyadı şərtidir) müştəriləri cəlb etməyə cəhd göstərməsini bəhanə edərək onunla mübahisə edib. Bu zaman təqsirləndirilən şəxs üzərində gəzdirdiyi bıçaqla zərərçəkmiş şəxsə hücum edib. O, bıçaqla Qasımın bədənin müxtəlif nahiyələrinə zərbələr endirərək ona deşilmiş-kəsilmiş yaralar yetirib.


Hadisədən sonra İntiqam Balayev saxlanılaraq cinayət məsuliyyətinə cəlb edilib.


Binəqədi Rayon Məhkəməsinin hökmü ilə o, 1 il 11 ay 28 gün müddətə azadlıqdan məhrum edilib. Bakı Apellyasiya Məhkəməsinin qərarı ilə apellyasiya şikayəti təmin edilməyib.

Kamal Məmmədov 

Tarix: 14 Oktyabr 2025, 08:42   
Xəbər lenti
Çox oxunanlar

Ən son xəbərləri səhifəmizdən də izləyin