BURADA REKLAMINIZ OLA
BİLƏR

Dayısı qızını söyən şəxsi döyənə hökm oxundu

Biləsuvar Rayon Məhkəməsində xuliqanlıqda təqsirləndirilən Məftun Kərimovun (adı, soyadı şərtidir) barəsindəki cinayət işi üzrə məhkəmə iclası başa çatıb.


Pravda.az-ın əldə etdiyi məlumata görə, hakim Rəfayil Əliyevin sədrliyi ilə keçirilən prosesdə hökm elan edilib.


Hökmə əsasən, təqsirləndirilən şəxs ona 2 000 manat miqdarında cərimə növündə cəza təyin edilib.


İttiham aktına görə, hadisə 29 iyul 2025-ci il tarixdə, saat 21 radələrində Biləsuvar şəhəri, M.İbrahimov küçəsində yerləşən “Araz” adlı kafedə qeydə alınıb.


Belə ki, Məftun Kərimov aralarında yaranmış mübahisə zamanı qohumu, zərərçəkmiş Namiq Yusifova (adı, soyadı şərtidir) qarşı zor tətbiq edib, onun sifət nahiyəsinə yumruqla bir dəfə zərbə endirib. Nəticədə, zərərçəkmiş şəxs alt dodağın sol yarısında əzilmiş-deşilmiş yara alıb.


Hadisə zamanı Məftun Kərimov saxlanılaraq cinayət məsuliyyətinə cəlb edilib.


Məhkəmədə ifadə verən Məftun Kərimov ona qarşı irəli sürülmüş ittihamı tam qəbul edərək, törətdiyi əməlindən səmimi peşman olduğunu bildirib. O, ifadəsində göstərib ki, zərərçəkmiş Namiq Yusifovu uzun illərdir tanıyır və aralarında əvvəlcə normal münasibətlər olub, dayısı qızı onun qardaşı arvadıdır. Hadisədən bir müddət öncə Namiq Yusifov onun dayısı qızına qarşı nalayiq ifadə işlətdiyi üçün aralarında narazılıq yaranıb. Daha sonra tərəflər arasında bir neçə dəfə mübahisə baş versə də, o, bu məsələni böyütmək istəməyib.


29 iyul 2025-ci ildə “Araz” kafesində təsadüfən zərərçəkmiş şəxslə qarşılaşdığını deyən təqsirləndirilən şəxs onunla söhbət etmək istədiyini, lakin Yusifin kobud cavabı səbəbindən əsəbiləşərək bir dəfə yumruqla zərbə endirdiyini bildirib. Hadisədən dərhal sonra kafeni tərk etdiyini, baş verənlərə görə peşmanlıq keçirdiyini və zərərçəkmiş şəxsdən üzr istəyərək onunla barışdığını qeyd edib.


O, məhkəmədən əməlindən səmimi peşman olması və barışıq əldə olunmasını nəzərə alaraq, barəsində yüngül cəza təyin edilməsini xahiş edib.

 

Kamal Məmmədov 

Tarix: 16 Oktyabr 2025, 08:10   
Xəbər lenti
Çox oxunanlar

Ən son xəbərləri səhifəmizdən də izləyin