Reklam
ADY bu qiyməti gizli saxlayıb - "Bəlkə də açıqlamağa utanırlar..."
ADY Bakı-Tbilisi sərnişin qatarına biletlərin qiymətinin hansı prinsiplərlə formalaşdığına aydınlıq gətirdi: Minimum əməkhaqqı artıb
Azərbaycan vətəndaşlarının dəmiryol nəqliyyatı vasitəsilə Gürcüstana giriş-çıxışına icazə verildi

Xalq şairindən ETİRAZ: "Oxuya bilməyən müğənniyə efirdə bir saat, mənə 10 dəqiqə verirlər"

"Mənim şeirlərimi özümdən yaxşı səsləndirən yoxdur. Çoxu şikayət edir ki, verilişlərə çıxmırsız, şeirlər səsləndirmirsiz. Verilişləri görün, nə günə qoyublar? Hansı verilişə gedim? Elə bil təlxək yığnağıdır. Mən şou proqramlara ümumiyyətlə getmirəm. 20-30 nəfəri fit çalmaq üçün studiyaya yığıblar. Durub gedim mənə də fit çalsınlar? Mən fitə basılmalı insanam? Mən efirə çıxıb ancaq mədəniyyətdən danışa bilərəm".

 

Pravda.az xəbər verir ki, bunu Moderator.az-a açıqlamasında Xalq şairi Vahid Əziz deyib.

 

"Azərbaycanda aparıcıların 90 faizi saqqal saxlayır. Elə bil erməni katalikosunun məktəbində oxuyurlar. Belə şey olar? Efirə çıxırsan, mədəniyyət sərgiləyirsən. Geyimləri bir yana qalsın, özlərini apara bilmirlər. Adam efirə baxanda iyrənir. Niyə bir ölçü götürmürlər? Belə efir olar? Zəng edib verilişə dəvət edirlər. Soruşuram ki, neçə dəqiqə çıxış edəcəm? Deyirlər ki, 10 dəqiqə. Deyirəm ki, mənim 80 yaşım var, oxuya bilməyən, kompüterlə səsini düzəldən müğənninin çıxışına bir saat vaxt verirlər, xalq şairini isə 10 dəqiqə üçün efirə çağırırlar. Belə olmaz axı! Efiri döndəriblər hırraxanaya. Cinayət məsələlərini də efirə çıxarıblar. Biri qayınanasına söyür, biri qayınatasına ağzına gələni deyir. Bir-birlərini təhqir edirlər, səsi də bağlayırlar ki, millət eşitməsin. Ayıb deyil? Bu gün bizim kanallar Azərbaycan xalqını geridəqalmış, mədəniyyətsiz, səviyyəsiz kimi tanıtdırır", - deyə şair bildirib.

 

Xalq şairi noyabrın 23-də 80 yaşının tamam olacağını bildirib:

 

"Dövlətim mənə cənab prezidentimizin imzası ilə "Xalq şairi" adını verib. Bir şair üçün bundan böyük ad ola bilməz! Mədəniyyət Nazirliyi və Yazıçılar Birliyinin yəqin ki, müraciətləri olacaq. Yoldaşlar kömək etdi, 500 səhifədən ibarət kitabım çapa getdi. Arzum budur ki, bütün yaradıcılığımı çap edim, ondan sonra həyatdan gedim. Əzraillə müqavilə bağlamamışam, birdə gördün, gəldi ki, "əmioğlu, getdik" (gülür). Lazım olacaqsa gedəcəm. Bir şeirimdə demişəm ki, "gedəcəyəm, göylər məni çağırır". Amma hələ ki, Yerdə gəzirəm", - deyə o bildirib.
Tarix: 16 Oktyabr 2025, 13:24   
Xəbər lenti
Çox oxunanlar
Rövşən Nəcəf tənqid edildi: “Peşəkarlar qaz iyi gələn yerdə yox, ətir iyi gələn kabinetlərdə var?”
19 May 18:32 Özəl
Kartdan-karta edilən ödənişlərlə bağlı bəd xəbər - VİDEO
19 May 21:52 Sosial
Bu azadlıqdır: Üç BÜRC üçün nadir şans gələcək
19 May 21:48 Cəmiyyət
Novxanıda yanan "AF Hotel" kimindir? – "EuroHome"un sahibinin növbəti obyekti alovlar içində
19 May 19:40 Hadisə
Pambıq kimi yumşaq dana qovurması resepti
20 May 03:14 Özəl
Bakı–Tbilisi–Bakı sərnişin qatarlarının hərəkət cədvəli açıqlandı
19 May 23:39 Sosial
Vahid Məhərrəmov: “Xaricdən, Afrika ölkələrindən qonaqlar gəlir, bazarı dərhal yığışdırırlar, düzgün deyil”
20 May 09:09 Özəl
Günay Əliyevaya vəzifə verildi
20 May 11:53 Cəmiyyət
Vahid Əhmədov: “Ölkə iqtisadiyyatında müəyyən irəliləyişlər olsa da, problemlər də var”
20 May 11:57 Özəl

Ən son xəbərləri səhifəmizdən də izləyin