Ata və azyaşlı oğlunun dəhşətli yol qəzasında ölməsinin TƏFƏRRÜATI

Lənkəran Ağır Cinayətlər Məhkəməsində yol qəzası törətməkdə təqsirləndirilən Elmidar Qafarovun cinayət işi üzrə məhkəmə iclası başa çatıb.

Pravda.az-ın etdiyi məlumata görə, hakim Cavanşir Nəbiyevin sədrliyi ilə keçirilən prosesdə hökm oxunub.

Məhkəmənin hökmü ilə o, cəzasını məntəqə tipli cəzaçəkmə müəssisəsində çəkməklə 5 il müddətə azadlıqdan məhrum edilib.

İttihama görə, hadisə 05 dekabr 2024-cü il tarixdə, saat 19:20 radələrində Şahsevən-Əhmədli-Dünyamalılar avtomobil yolunun Beyləqan rayonunun Aşıqalılar kəndinin ərazisindən keçən 18-ci kilometrliyində qeydə alınıb.

Belə ki, 2000-ci il təvəllüdlü Elmidar Qafarov etibarnamə əsasında idarə etdiyi “QAZ-330210” markalı maşınla hərəkətdə olarkən yolun sol tərəfində yerləşən “Hacıoğlu” yanacaq doldurma məntəqəsinə dönmək istəyərkən qaydalar riayət etməyib.

Təqsirləndirilən şəxs hadisənin qarşısını almaq üçün texniki imkanı olmasına baxmayaraq, qarşıdan gələn - Emin Həziyevin idarə etdiyi “VAZ-21214 Urban” markalı avtomobilə yol verməyərək onun hərəkət istiqamətinə çıxıb və nəticədə həmin nəqliyyat vasitəsi ilə toqquşma baş verib.

Hadisə zamanı “VAZ-21214 Urban” markalı avtomobilinin sürücüsü Emin Həziyevə olay yerində, həmin maşında sərnişin qismində olan, sürücünün oğlu, 2016-cı il təvəllüdlü Rəvan Həziyev isə Beyləqan Rayon Mərkəzi Xəstəxanasında ölüb.

Beləliklə, Elmidar Qafarov yol hərəkəti qaydalarını pozmaqla, iki və ya daha çox şəxsin ehtiyatsızlıqdan ölümünə səbəb olub.

Hadisədən sonra o, saxlanılıb və barəsində polisin nəzarəti altına vermə qətimkan tədbiri seçilib.

Kamal Məmmədov

Tarix: 14 Noyabr 2025, 08:50

Xəbər lenti