Gecə telefon istifadə edənlərin NƏZƏRİNƏ

Gecə saatlarında davamlı telefon istifadəsi təkcə yuxu rejimini deyil, həm də ağız və diş sağlamlığını əhəmiyyətli dərəcədə zədələyir.

Pravda.az bildirir ki, aparılan müşahidələrə görə, ekran qarşısında uzun müddət qalmaq melatonin hormonunun azalmasına, nəticədə yuxu keyfiyyətinin aşağı düşməsinə səbəb olur. Bu hal həm immun sistemi zəiflədir, həm də diş əti toxumalarının iltihablanma riskini artırır.

Həkimlərin sözlərinə görə, gecə telefon istifadə edən şəxslər arasında diş fırçalama nizamı daha çox pozulur. Bununla yanaşı, ekran qarşısında qəlyanaltı və şəkərli içkilərə meylin artması ağızda bakteriyaların çoxalmasına, diş çürüməsinə və diş əti xəstəliklərinə şərait yaradır.

Mütəxəssislər tövsiyə edir ki, yatmazdan əvvəl telefon istifadəsi minimuma endirilsin, axşam yeməyindən sonra mütləq dişlər fırçalansın və şəkərli içkilərin qəbulu azaldılsın. Bu addımlar ağız sağlamlığının qorunmasında mühüm rol oynayır.

Əminə Bayramova

Tarix: 1 Dekabr 2025, 16:20

Xəbər lenti