Abbas Abbasov Heydər Əliyevə necə XƏYANƏT EDİB?

Baş nazirin keçmiş birinci müavini Abbas Abbasovun “Ramiz Mehdiyev işi” üzrə istintaqa cəlb edilib. O, hal-hazırda xaricdə olduğu üçün barəsində axtarış elan edilib. Onun hakimiyyət daxilindəki təsir imkanları, xarici əlaqələri və müəyyən fiqurlarla yaxın münasibətləri ilə bağlı müxtəlif iddialar vaxtaşırı gündəmə gəlir.

Pravda.az xəbər verir ki, Konkret.az-a açıqlamasında Müasir Musavat Partiyasının sədri Hafiz Hacıyev sabiq dövlət məmuru Abbas Abbasovla bağlı bəzi gizli məqamları açıqlayıb. Onun sözlərinə görə, Abbas Abbasovla birlikdə işlədiyi dövrdə onun müxtəlif proseslərdə aktiv rol oynadığını müşahidə edib.

H.Hacıyev bildirib ki, Abbas Abbasov hər şeyə qarışan, müxtəlif əlaqələri olan şəxs kimi tanınıb və maliyyə məsələlərində əsas bacarığı pul dövriyyəsi ilə bağlı olub.

“O vaxt taxıl məsələsi olub. Almaniyada bir erməni var idi. Biz taxıl müqaviləsini bununla bağladıq. Amma bizim onun erməni olmasından xəbərimiz yox idi. Abbas Abbasov bizi onun yanına aparmışdı. Nəticədə Azərbaycana birinci növ əvəzinə 3-cü sort taxıl göndərdilər. Həmin vaxt Heydər Əliyev bu məsələni məndən soruşmuşdu. Mən də hər şeyi açıb demişdim. Yəni Ramiz Mehdiyevin də, Abbas Abbasovun da anası və arvadı ermənidir. Hər zaman Mehdiyevlə bir yerdə olub. Hətta Prezident Aparatında yeməyi də bir yerdə yeyirdilər. Keçmiş Baş prokuror Eldar Həsənovla gizli əlaqələri var idi. Həmişə gözü hakimiyyətdə olub. Elçibəy hakimiyyətdən gedəndən sonra ilk dəfə onun arxasınca danışan adam olub. Heydər Iliyevə üzdə özünü yaxşı göstərsə də, arxada gizli planlar qururdu. Ramiz Mehdiyevi hakimiyyətə gətirmək istəyirdi. Hətta mən Mehdiyev haqda danışanda, “Lazım deyil” deyərək çəkindirməyə çalışırdı”.

Partiya sədri Abbas Abbasovun Ramiz Mehdiyevlə yaxın münasibətlərinin olduğunu, sonradan onun Moskvada “Milyarderlər İttifaqı” adlanan qurumun yaradılmasına dəstək verdiyini bildirib.

Açıqlamada vurğulanıb ki, Abbas Abbasov istefa verdikdən sonra da Azərbaycandakı siyasi proseslərə marağını saxlayıb.

“Onun keçmiş baş prokuror Eldar Həsənovla münasibətləri olub və müxtəlif dairələrlə əlaqələrini qoruyub”.

Hafiz Hacıyev Abbas Abbasovun qapalı xarakterli şəxs olduğunu, lakin müəyyən mərhələlərdə açıq mövqelər sərgilədiyini də deyib.

“Abbas Abbasovun və ətrafının əsas məqsədi Ramiz Mehdiyevin hakimiyyətə gətirilməsi olub və bu istiqamətdə fəaliyyət göstərilib”.

H.Hacıyev həmçinin Abbas Abbasovun xaricdə, xüsusilə diaspor təşkilatları və bəzi diplomatik çevrələrlə əlaqələrinin geniş olduğunu deyib, bunun ictimai-siyasi vəziyyətə təsir göstərə biləcəyini vurğulayıb.

Sonda Hafiz Hacıyev Abbas Abbasovu “güclü fiqur” adlandıraraq, onun müxtəlif iddialarla gündəmdə qalmasının səbəbinin məhz bu təsir imkanları olduğunu bildirib.

Tarix: 17 Dekabr 2025, 18:03

Xəbər lenti