BURADA REKLAMINIZ OLA
BİLƏR

Səyyad Aran: “Guya "Azərqaz" deyəndə intonasiya itir, qrammatik məna dəyişir, ya sözün fonetik tərkibində əcaib dəyişiklik olur?”

Milli Məclisin İnsan hüquqları komitəsinin iclasında deputat Səyyad Aran “Azəriqaz”ın qanuni adı düzəldilməlidir, “Azəri” sözünün bizə dəxli yoxdur" fikirləri tənqidlə qarşılanıb. Bildirilir ki, deputat "Azəriqaz"ın adına yox, qurumun xidməti barədə şikayətlərə, sosial problemlərə diqqət çəkməli idi.

 

Səyyad Aran Pravda.az-a açıqlamasında barəsində səslənən təndiqlərə belə cavab verib: “Mən bu məsələni qaldırdım. Xidmət barədə problemlər başqa söhbətin mövzusudur. Diqqəti ada cəmləmişəm ki, bütün təşkilatlarımızın adı "Azər" sözü ilə başlayır, bircə qaz təşkilatımız "Azəriqaz" olur. Niyə, nə üçün belədir? Belə iş olar?  Bu, indiki Ədliyyə Nazirliyinin günahı deyil. Düz 30 il əvvəl yaranan təşkilatdır. Niyə o zaman "Azəriqaz" adlandırıblar? Kimsə savadsızlıqdan, yoxsa təsadüfdən ağlına gələni deyib, bu cür ad qoyub və anlaşılmazlıq yaradıb. "Azəri" sözünün bizə dəxli yoxdur. Biz Azərik!”

 

Deputat “Azəriqaz” sözündəki “i” hərfinin iki samitin arasındakı sait olaraq əlavə edilməsi barədə fikirləri isə qəbul etməyib: “Bilmirəm, bunu hansı baxımdan izah edirlər, amma qəbul etmirəm. Mənim adım var, Azər. "Azəriqaz" da "Azər" sözü ilə olmalıdır. Guya "Azərqaz" deyəndə intonasiya itir, qrammatik məna dəyişir, ya sözün fonetik tərkibində əcaib dəyişiklik olur? Bəs "Azərqızıl" niyə elə adlanmır? Bu söz də eynilə "r" ilə bitir, "q" ilə başlayır".

 

Aytəkin Qardaşova

Tarix: 23 Yanvar 2026, 14:38   
Xəbər lenti
Çox oxunanlar

Ən son xəbərləri səhifəmizdən də izləyin