BURADA REKLAMINIZ OLA
BİLƏR

Deputat: “Vensin qondarma “erməni soyqırımı” abidəsini ziyarət etməsi protokol qaydasıdır”

“ABŞ vitse-prezidenti Ceyms Devid Vens Ermənistana səfəri zamanı qondarma "erməni soyqırımı" abidəsini ziyarət edib. Biz bunu münasibətlərin normallaşması, məsələlərə yanaşma baxımından doğru hesab etməyə bilərik. Amma istənilən halda bu, Ermənistanın protokol qaydasıdır”.

 

Bu sözləri Pravda.az-a açıqlamasında Milli Məclisin deputatı Arzuxan Əlizadə deyib.

 

Deputat bildirib ki, protokol qaydasına müvafiq olaraq ölkəyə səfər etmiş rəsmi nümayəndələr həmin protokola müvafiq olaraq gedəcəkləri yerləri seçmiş olurlar: “Təbii ki, Vensin abidəyə ziyarəti olmasaydı, daha məqsədəuyğun idi. Bunu diqqətə almalı idilər ki, Ermənistandan xüsusi olaraq Azərbaycana gəlinəcək. Əsas missiya Azərbaycan və Ermənistan arasında münasibətlərin normallaşmasıdır. Bu kontekstdə Vensin qondarma "erməni soyqırımı" abidəsini ziyarət etməsi doğru deyil. Amma istənilən halda razılaşmalıyıq ki, bu, protokol icrasıdır. Vens Ermənistana səfəri çərçivəsində verdiyi bir sıra açıqlamalarla da gündəmə gəlib. Əslində elə Ceyms Devid Vens ABŞ-nin Cənubi Qafqaz, Ermənistan və Azərbaycanla siyasətini ifadə edir. Onun açıqlamaları əsas buna yönəlib ki, Azərbaycan və Ermənistan arasında yekun sülh müqaviləsinin imzalanması ilə bağlı proseslər bir qədər də sürətlənsin. Zəngəzur dəhlizinin, indi necə adlanmasından asılı olmayaraq TRİPP layihəsinin gerçəkləşməsi ilə bağlı məsələlər müzakirə olunub. Vens Azərbaycana da gələcək. Təbii ki, müqayisə olunmayacaq bir şeydir, amma bizim üçün müqəddəs yerlərimizdən biri Şəhidlər Xiyabanı, Fəxri Xiyabandır. Yəqin ki, Vens mütləq mənada bu məkanları da ziyarət etmiş olacaq. Ümid edirik ki, ABŞ-nin atdığı addımlar Cənubi Qafqazda dayanıqlı sülhə töhfə vermiş olacaq”.

 

Aytəkin Qardaşova

Tarix: 10 Fevral 2026, 16:27   
Xəbər lenti
Çox oxunanlar

Ən son xəbərləri səhifəmizdən də izləyin