BURADA REKLAMINIZ OLA
BİLƏR

Belçika və Niderland səfirləri Xarici İşlər Nazirliyinə çağırılıblar
Tural Abbaslı: “Qanun var, ancaq tətbiqində və icrasında problemlər yaşanır”
Cəbrayıl şəhəri 2-ci və 3-cü yaşayış məhəlləsinin layihələndirilməsi xidmətlərinə 1.7 milyon manat vəsait sərf olunacaq

Rəşad Mahmudov: "Ölkəmizin təhlükəsizliyinə yönəlmiş hər hansı təhdid cavabsız qalmayacaq"

Bu gün regionumuzda baş verən hadisələr bir daha göstərdi ki, müstəqil və güclü dövlət olmaq yalnız iqtisadi və hərbi güclə deyil, həm də prinsipial və ardıcıl siyasətlə mümkündür. Azərbaycanın dövlət mövqeyi illərdir dəyişməzdir. Biz bütün qonşularımızla mehriban münasibətlər qurmaq istəyirik və heç bir ölkəyə qarşı Azərbaycan ərazisinin istifadə olunmasına imkan vermirik”.

 

Pravda.az-ın xəbərinə görə, bunu Milli Məclisin deputatı Rəşad Mahmudov bildirib.

 

Deputat qeyd edib ki, Naxçıvan istiqamətində Azərbaycanın mülki obyektlərinin pilotsuz uçuş aparatları ilə hədəfə alınması təkcə ölkəmizə qarşı deyil, beynəlxalq hüquqa və regional sabitliyə qarşı yönəlmiş açıq təxribatdır: “Mülki infrastrukturun, o cümlədən hava limanı və digər obyektlərin hədəf seçilməsi isə bu addımın nə qədər məsuliyyətsiz və təhlükəli olduğunu göstərir. Təəssüf ki, bu ilk hadisə deyil. Azərbaycan diplomatik nümayəndəliyinə qarşı Tehranda törədilmiş terror aktı hələ də hamımızın yaddaşındadır. Həmin hadisə də bir daha göstərdi ki, dövlətlər arasında münasibətlərdə məsuliyyət və beynəlxalq öhdəliklərə hörmət həyati əhəmiyyət daşıyır. Azərbaycan o zaman da qəti mövqe nümayiş etdirdi və öz vətəndaşlarının təhlükəsizliyini qorumaq üçün bütün addımları atdı. Azərbaycan heç vaxt qonşu ölkələrə qarşı hərbi əməliyyatlarda iştirak etməyib və etməyəcək. Bu, həm siyasi mövqeyimizdir, həm də regionda sabitlik və sülh naminə tutduğumuz prinsipial xəttdir. Lakin eyni zamanda hər kəs bilməlidir ki, ölkəmizin təhlükəsizliyinə yönəlmiş hər hansı təhdid cavabsız qalmayacaq. Dövlətimizin və xalqımızın təhlükəsizliyini qorumaq Azərbaycan dövlətinin ən əsas vəzifəsidir”.

 

“Biz tarix boyu göstərmişik ki, səbrli və təmkinli davranırıq, amma eyni zamanda öz suverenliyimizi və ərazi bütövlüyümüzü qorumaq üçün qətiyyətliyik. Azərbaycanın gücü onun dövlətinə və xalqına olan inamındadır. Regionumuzun gələcəyi qarşıdurma deyil, əməkdaşlıq və qarşılıqlı hörmət üzərində qurulmalıdır. Lakin bu prinsipləri pozan hər bir addım yalnız gərginliyi artırır və region xalqlarına zərər verir. Azərbaycan xalqı əmindir ki, istənilən təhdid qarşısında dövlətimizin iradəsi və gücü kifayət qədər möhkəmdir. Biz hər zaman sülh tərəfdarıyıq, lakin eyni zamanda öz dövlətimizin təhlükəsizliyini qorumağa tam hazırıq. Dünyamız və bölgəmizdə sülhün və əmin-amanlığın bərqərar olması ən böyük diləyimizdir” – R.Mahmudov əlavə edib.
Tarix: 5 Mart 2026, 21:12   
Xəbər lenti
Çox oxunanlar
Həyatını əbədi dəyişdirəcək BÜRCLƏR
20 Aprel 00:27 Cəmiyyət
Aysun İsmayılova: “Gecə uşağın atasına yazdım ki...”
20 Aprel 09:46 Özəl
Məzahir Pənahovun səlahiyyət müddəti bitir
20 Aprel 09:49 Siyasət
Pensiya alanlara mühüm xəbər
20 Aprel 12:33 Sosial
Cəmi beş ədəd alça yeddi manata satılır - VİDEO
19 Aprel 18:41 Sosial
Nurgün Group dövlətə külli miqdarda borclandı - Nuru Əliyevin qalmaqallı oğlu şirkətə rəhbər keçib?
19 Aprel 20:53 Sosial
"Hər il yaxşı məhsul olurdu, amma indi satış yoxdur" - VİDEO
19 Aprel 22:26 Sosial
Paytaxt yollarında dayanacaq problemi: Taksi sürücüləri sərnişinləri harada mindirib-düşürməlidirlər? - VİDEO
19 Aprel 23:57 Sosial
Payızda referendum keçiriləcək? - AÇIQLAMA
20 Aprel 14:04 Özəl

Ən son xəbərləri səhifəmizdən də izləyin